许家杰突然现身同专业旁述主持奥运直播　林淑敏大赞连波都识讲

巴黎奥运已经圆满结束，但昨日（11日）凌晨仍有赛事举行，而男子篮球金牌战由“东道主”法国对五连霸的美国。因为今次美国队有多位身价很高的NBA球星，例如：Kevin Durant、Stephen Curry、Lebron James等人，不少篮球迷都特别留意这场赛事。而除了一班专业旁述直撃赛事外，许家杰竟也出现在主持台一同为赛事旁述。

原来许家杰一向热爱打篮球，今次更做客席主持“讲波”，他讲得“有板有眼”，连《爱.回家》的大小姐（林淑敏）亦有捧场。林淑敏更发文大赞许家杰：“连波你都识讲！”许家杰就搞笑回复道：“好开心同大家一齐睇波！”、“唔止送水，吹水都系我强项”。

许家杰事后亦发文及分享合照：“1） 细细个成日睇奥运直播，觉得啲主持好犀利，可以讲足成晚。2） 40岁既（嘅）LBJ 身价已经系天文数字，但系仍然会搏到尽，仲劲过啲后生仔（利申 本来唔系特别钟意LBJ）究竟点样可以做到既呢？就系你要好钟意𠮶样嘢，唔系用金钱去衡量。纯粹系一份喜爱。”

许家杰更留言感谢各奥运主持：“今日真系好开心，可以喺直播同大家一齐睇波，见证住Curry LBJ KD既最后一届，个心真系一直卜卜卜卜跳同埋起鸡皮。多谢钟志光钟sir带领住，仲有非常之聪明又勤力嘅德德（陈懿德），和蔼可亲既梁国成梁sir，超级专业既kelvin，呢场波真系好有爱！感恩。”

之后陈懿德亦有回复许家杰：“我都觉得好开心好有爱，好难忘好热血的一晚， 多谢jackjack。”