蔡俊彦唔觉自己流量密码“一切都系幻觉” 赞连翊希旁述真性情

香港剑击运动员蔡俊彦(Ryan）早前因主持奥运节目而成为网上流量密码，今日(Ryan ）同埋连翊希（Coco）、颜米羔、陈蒨葶、女团VIVA齐齐出席祝捷派对。

问到是否趁人气急升掘金，Ryan 笑言“少少”又话唔系咁多人识自己，所有嘢都系幻觉。Coco由于同样有奥运节目主持，所以未有机会欣赏Ryan 嘅主持功力、但亦有听闻对方嘅风趣，为此，Ryan表示：“我有睇佢，因为我俾人话嘛，咁要检讨自己嘅表现，所以有睇友台嘅直播参考下。”Ryan 表示自己本身系运动员，会想展现大方得体一面，但要在镜头前展现真实一面确系有难度，所以十分佩服Coco 嘅真性情。

Coco喺主持期间，曾因为港队男子重剑运动员发声而哽咽，Coco为此表示：“有啲人觉得真情流露无问题，有啲人觉得可以收返埋少少，呢个过咗去，如果有机会⋯⋯虽然希望下一届唔会再做，因为我系会比紧赛，但如果做都希望会有进步，但其实真情流露真想大家运动员知唔系为𠮶刻开心，而系背后付出好多嘢，所以自己当下咁感触。”

而对于网友提议做综艺，Ryan 坦言唔系特别想，但如果时间许可都会考虑，他解释今次旁述对确系令自己嘅表达有帮助，令他教小朋友时可以更清晰，而对于被昔日大学室友吕爵安（Edan）笑“Kai”，Ryan就话：“我一百Kai佢五十Kai”，但随即又改口自己Kai啲，仲呼吁大家追捧Edan 。“开头有批评嘅声音嘅时候时。佢都有send 讯息俾我叫我唔好理会，但今次都系一个好好嘅学习。”