庞景峰秘恋刘温馨　否认遭母亲棒打鸳鸯：屋企人唔知佢存在

刘温馨近日被拍搭上“星二代”庞景峰，但恋情遭男友母亲郭秀云反对，有报道指郭秀云对庞景峰旧爱Hailey，故出手棒打鸳鸯新恋情。一对绯闻男女今晚（8日）齐齐出席《边缘禁地：沙丘丧战》首映礼，姗姗来迟嘅两位见有传媒在场即时分开，但最后亦有应要求合照，但访问各有各做。

刘温馨表示近日喺马来西亚拍剧，刚好有空档所以返港休息，问到男友有否去探班，刘温馨即谓无朋友去探班，又多次强调想大家关注她的工作。问到棒打鸳鸯一事，刘温馨即谓：“无中生有，无呢件事。（即系相处和睦？）无呢件事，无发生过任何嘢，唔系事实，得啖笑。（唔会影响同阿峰嘅感情？）因为都唔系事实，所以唔会理。”

庞景峰表示忙于工作，一讲到恋情即耍太极，仲话要搞掂手头上嘅工作先谂其他嘢，又话公司有唔少员工要养活。讲到棒打鸳鸯一事，庞景峰就话：“我阿妈唔识佢，未见过佢，佢又未见过我妈，屋企人唔知佢存在，所以都有啲奇怪。（几时见家长？）我谂要ready先，不过我唔想成日讲私事，所以澄清下，我妈唔识佢，见都未见过大家。”