陈志云听闻郑中基太太不满老公与何庆湘关系　质疑声明有人代笔？

郑中基（Ronald）前日在社交平台出声明，指“由于发现何庆湘工作及道德操守有问题，本人与机动娱乐立即终止合作，有关工作交接问题会另作安排。”由于他与经理人何庆湘合作多年，对方亦经常与他创立的机动电视台节目上亮相，故消息令网民大为震惊，纷纷猜测当中内情。事件公布后，何庆湘至今未有回应，而机动娱乐则于昨晚（5日）发声明指何庆湘已于8月3日正式离职，郑中基在完成两个演唱会后，亦将休息一段时间，声明亦交代了“机动电视台RTV”及旗下品牌“大佬好嘢”的未来安排。

郑中基突宣布与经理人终止合作　今公司发声明指何庆湘已正式离职

昨日陈志云与李婉华在网台开直播时都有评论事件，虽然陈志云不认识郑中基、其太太余思敏以及经理人何庆湘，但亦都有料爆。首先，李婉华提出一个疑问：“我觉得唔关钱事，郑中基话要离开呢个公司，咁间公司佢有份定冇份？佢冇份就话离开，咁如果佢有份就唔系离开啦？”陈志云就大爆有与郑中基关系密切的人透露：“话今次佢只系写嘅时候文字表达唔准确，唔系终止同机动电视嘅合作，系终止同何庆湘合作，间公司仍然都系佢嘅。郑中基本身好多钱，都唔忧，佢唔系再科钱落去，呢个机动电视仍然会继续，只系佢唔同何庆湘合作，佢冇理由终止同自己公司嘅合作。”

李婉华以女性角度评论事件，指留意到余思敏去年已曾引用语录放负，而在今次郑中基出Post前，余思敏似乎已率先预告，她在Story表示：“Good morning HK. Something big are coming...want to see？（早晨香港，即将有大件事要发生了，想睇？）”并标注了郑中基、何庆湘及机动电视台等，指她往常较少干涉老公的工作，但今次以高姿态出Story惹人遐想。李婉华又觉得何庆湘明明是经理人，却努力参与幕前工作、自己捧自己，似乎已超越经理人界线，予人跟郑中基非常亲密的感觉。

陈志云就说，自己不是说何庆湘，但员工或助手仰慕老板、多了情感投射都是十分常见，他之后又分享自己听过的两个版本，一是有人觉得何庆湘唔妥，二是希望为她平反。陈志云透露：“郑中基做幕前，佢搞呢个台，对营运唔系好大参与，佢抌咗钱出嚟亦都冇再注资，而家签咗啲艺人，开支都大，听闻坊间话何庆湘系好勤力，好卖力，周围‘𢯎’数，但系就有啲八卦嘢，佢做经理人净系同Ronald接工作，太太嘅工作佢唔接，有啲拗撬出咗嚟，太太出咗啲Post，可能对佢两个啲关系唔高兴，后来攞晒啲数嚟睇，觉得啲数唔系好对，搞到而家咁样。但系何庆湘嘅朋友相信佢唔系穿柜桶底嘅人，郑中基最后出呢个Post，话要中止工作关系，觉得佢做嘢有问题，有熟郑中基嘅朋友就话唔系好似佢，佢唔会写到咁撇脱，咁绝，咁劲，话人哋帮佢代笔都唔定。呢个真系唔知，但系有啲暗涌喺入面，而家应该系佢太太掌管返个营运。”

陈志云以食花生语气表示，郑中基后来再出Post称有情绪困扰，说不定就是因为夹在两个女人中间，“一个系工作关系，一个系自己另一半，唔困扰都好难，哈哈！”李婉华直言是郑中基Fans，知道他过往有不少花边新闻，但觉得娱乐圈男士能否轻易浪子回头也存疑，何况人非草木，又说：“佢（何庆湘）一日对郑中基唔止八个钟，佢用个Channel自己捧自己，一个素人，唔系Artist，但系永远可以喺侧边有演出机会。”又认为很多人会得一想二，大胆假设若何庆湘为人有机心，可能想用圈套套着老板，并指：“佢郁都郁唔到，要出动到正印大婆要出声、做嘢，讲到道德操守，作为一个咁腍善、冇所谓、咁锡人嘅郑先生，又点会咁样写呢个何小姐，话你有操守问题？佢唔会写得出，在公在私都有感情。”

陈志云亦大赞郑中基友善、风趣、唱歌冧死人，若有人暗恋他也绝不稀奇，即使他口讲冇过界，另一半也未必相信冇过界。他又建议工作和感情分开点较好，建议揾助手一定要揾同性，或者好丑样的异性。李婉华称入行多年，见过娱乐圈有很多女助手乘虚而入，当一出埠工作，助手、经理人即如入无人之境，会有机心，知道对方有另一半仍想试试自己能力。

有观众留言指其实现时冇事实指向事件是否牵涉感情瓜葛，问两位主持为何言之凿凿，李婉华就叫对方勿认真，表示：“依件事学志云话斋，你做乜自己讲出嚟啫？你讲咗出嚟我哋就可以讨论㗎嘛，依样嘢唔系我哋特登去搲人啲嘢，系佢自己讲，咁我就可以讨论呢件事究竟发生咩事，因为系对我哋公众有利益㗎，因为我哋个个都好喜欢郑中基呀，就系唔想佢有事，我哋会估系咪钱呢？定因为感情呢？哎呀，如果佢家庭受到破坏，我哋系好伤心㗎！所以我哋要揾出个原因喇，从而喺呢件事去警剔我哋自己呀，警剔身边人。所以我哋系讨论，完全唔系判官呀吓！”