郭伟亮重组女团XiX澄清系踢走唔系退团：我终于觉得我哋有运行啦
音乐人郭伟亮（Eric Kwok）旗下的女团XiX由梁善知（Crystal）、杨秉颐（Caitlin）、缪昀希（Charlotte）、邓晓殷（Kiele）及庄殷玥（Vici）组成，早前她们出席商场活动时突然“4缺1”，而Eric Kwok亦表示Vici“有一段日子都不会参与活动”。Eric Kwok当时没有正面回复传媒Vici缺席活动是否退团，亦指稍后才正式回应，今日（4日）Eric Kwok举行“XiX解体重组记者会”交代Vici退出一事。
Eric Kwok接受传媒访问事表示有“大事”要宣布：“今日最主要系澄清XiX有一个成员系被踢走嘅！就唔系自己离开，呢个要澄清返先！咁就系大约3个礼拜前，我决定咗啦，同佢哋成家人就得到共识，所以XiX由今日开始就5个人变4个人。亦都宣布我哋将会open invite新嘅成员入嚟，无论系嚟紧一啲选秀节目或者我哋自己嘅网上，或者如果有兴趣嘅细路仔或者家长可以随时嚟DM我。”Eric Kwok说到因为之前一直有很多东西都没有澄清及交代，所以选择今日一次过进行，亦提到Vici是被他“踢”出团，而不是外界传言中自己退团，Eric Kwok亦公开招揽1-2位新成员加入XiX。
Eric Kwok被问到发生什么事而要“踢”走Vici时，他回应：“XiX系由15岁，当时系14-16岁，所以好需要家长嘅配合，咁所以其实我第一次做经理人，唔系挂名嘅，我真系落手做。咁一做就唔系做一个artist，系做5个artists，咁5个artists呢就加埋爹哋妈咪，咁就10几人。好需要屋企人嘅understanding同埋配合啦，先至可以成事，无奈嘅就系Vici呢一家人呢，我同我太太都有用咗好多时间同好多心机去磨合，但系始终都系磨合唔到。”
Eric Kwok更用5家人一起来去旅行来形容XiX，指一定会有不同的意见，他续说：“其实我都明白家长系好想参与，好紧张自己个细路，但系好多参与就变咗干预，咁呢个干预就令到大家开始就冇呢个尊重，互相开始唔尊重，亦都开始失去咗信任。冇咗信任同尊重，基本上就冇可能行到落去，咁所以我哋可以话我同我太太都痛苦咗好耐，我哋做咗20几年artist，突然转做manager，我谂我哋都未试过受咁多气。”
Eric Kwok表示做经理人的挑战很大，因为之前未做过，但为了XiX，于是决定担起经理人的角色：“如果我唔做嘅呢，佢哋就冇㗎啦，咁佢哋实在太talents。”他说到XiX的天份很高，加上她们很听话，所以选择为了她们而放弃自己，连作品展及影片频道都可以放在一旁先不理会：“我系一个唔钟意见人嘅人嚟㗎，但为咗佢哋，做manager个生活模式系180度改变晒，系咁出去见人，系咁出去同人倾嘢，咁如果我哋牺牲咁多，同个心无时无刻去帮佢哋。我太太真系…我都要帮佢讲句好说话，即系佢之前讲嘅嘢，系全对100% support嘅，至于佢讲边个，大家自己谂啦！”Eric Kwok间接承应太太叶佩雯早前在社交平台不开名批评某艺人零尊重事件是真的，更指叶佩雯当日所说的只是“冰山一角”：“佢真系嬲到冇可再嬲先至咁讲！”
Eric Kwok更透露Vici很多“恶行”，除了指她不尊重外，还有很多不能再合作下去的事，另外他亦指自己为了她们XiX做了很多事情：“既然我哋摆咗咁多心机落去都唔appreciate我哋嘅时候，咁我就会成日问自己，我做咩要帮你啫。咁所以就谂咗好耐，几个月内决定嚟，软嘅又试过硬嘅又试过，乜都试过但我真系令到我觉得呢个世界真系有啲人系冇办法可以一齐相处，咁既然咁辛苦嘅，不如分开啦。”之后他又搞笑的说自“踢”走Vici后，自己都开心了不少。
Eric Kwok表示自己最近很开心，心情舒坦了不少，也是因为终于把Vici“踢”走：“就好似个天阴天行雷闪电落好多雨，落咗六七八个月，忽然之间今日晴天个感觉，我终于觉得我哋有运行啦！”Eric Kwok坦言是因为Vici的家长问题比较大，他亦有赞Vici有潜质，只是自己与她连不上线。
XiX被问到会否觉得Vici被离开会有遗憾，Caitlin表示自己也是三个星期前才得知这个消息：“At least对我哋4个嚟讲系好突然，因为好多嘢系Vici屋企人做咗我哋唔知道㗎啦，所以对我哋嚟讲系好突然同好唔开心。”虽然Vici已经离开XiX，但Caitlin说仍然很想念她，更会祝福她继续在娱乐圈发展。
而Charlotte 、Crystal及Kiele都对Vici被离开感到突然，她们都感谢Vici在XiX的贡献，为她们带来不少的欢乐，更表示支持及尊重Eric Kwok的决定。
Vici被离开后有关合约上的问题，Eric Kwok表示自己很忙，要交由唱片公司及TVB来处理，更指Vici的家人会与公司谈。至于谈到XiX未来工作方向时，Eric Kwok指Kiele将到美国升学：“我嘅工作更加艰巨，佢哋平时嘅考试啊，做功课啊𠮶啲schedule已经难㗎啦！再加一个离开香港就更加难！”Eric Kwok说虽然Kiele 8月底出发到美国升学，但一有需要，她就会回来香港继续XiX的工作，更当众约Kiele圣诞就要回来工作。