大佬B否认登台还债　“洪兴陈耀”激罕现身力证老友生意好

“大佬B”吴志雄转战内地发展多年，近年更进军饮食界，喺广东一带开设私房菜、火锅店。大佬B曾透露自去年9月，前亚洲先生黄竣锋在他的餐厅外遇袭后，生意一落千丈，有传他为了维持餐厅运作，要四出登台。

对于种种传闻，大佬B今日（3日）出席开幕活动时心情大好，接受访问时一次过澄清所有传闻。“B哥系去揾钱，但唔系还债，B哥2000年已经还晒啲债。好多人话我啲餐厅一下子执晒，请各位放心，B哥无事，我啱啱又开咗间近餐厅，喺深圳福田，有机会嚟揾我食饭啦。”B哥又指自己经营嘅有私房菜、火锅店、西餐、酒吧，只有其中一间火锅分店在疫情时关闭。“我都系薄利多销，但主要都系留港消费。”

B哥又指登台好多时都系同兄弟一齐玩，就好似今日同佢一齐受访嘅“洪兴社二把手陈耀”李道瑜，两位“古惑佬”不时打孖上，李道瑜更笑B哥到今时今日仲有新闻，证明佢有人气，而李道瑜去年原来曾在《一舞倾城》演出，如今主要拍短视频，原因是老一辈演员在在内颇为吃香，是不少70、80后嘅集体回忆。