方中信妙论16岁女儿成香港马术队成员︰愈骑愈贵，做爸爸都几惨

无线监制王心慰（Amy姐）荣休，前晚（2日）喺将军澳延开10席，效力无线35年嘅Amy姐获多位台前幕后到场祝贺，当中包括方中信，方中信一到场就同Amy姐抱抱，仲话︰“我细细个已经拍佢嘅剧”

方中信接受访问时，细细个就拍Amy姐嘅剧集，一转眼已20年。“佢都做咁多年，到而家应该系享受，我都好想享受，但唔得，因为个女仲细。”讲到与Amy姐最难忘嘅作品，不得不提《烈火雄心》，方中信话当年拍摄的确辛苦，但幸好年轻，如果今时今日拍就“窄窄哋”。

另外，提到16岁女儿符迦晴成为香港赛马会青少年马术队成员，问到是否十分支持，方中信就话：“我觉得佢应该学剑击啦，一来我俾少啲钱，二来剑击而家几劲，你睇张家朗、江旻憓，都可以发展下，唔使成日骑住只马。（佢有兴趣同天份？）佢⋯⋯有兴趣，细个骑啲pony仔，愈骑愈大、愈骑愈贵咁，做爸爸都真系几惨。（所以你要继续挨？）要啦，要挨。”

符迦晴7岁开始学习骑马，现时为香港赛马会青少年马术队成员，她曾在访问中表示希望将来可代表香港去比赛拎经验，又想代表香港拎奖牌，目标系参加亚运，睇嚟囡囡喺愿望实现前，方中信都仲要继续努力工作。