邵美琪传回巢拍剧 唔怕挨更抵夜:我最重要享受过程

撰文: 林得懿
出版:更新:
邵美琪曾是王心慰嘅御用演员,如今一个荣休,一个传回巢,但Amy姐话世事无绝对。(梁碧玲摄)

无线监制王心慰(Amy姐)荣休,今晚(2日)喺将军澳延开10席,效力无线35年嘅Amy姐获多位台前幕后到场祝贺,当中包括曾系佢嘅御用演员邵美琪(Maggie)。

邵美琪人到花到,令Amy姐既开心又感动,Maggie接受访问表示《第三类法庭》是Amy姐令她由忠变奸嘅难得机会,而今晚见到咁多朋友到场,相信场面会十分感人。

方中信到场后,同邵美琪鸡啄唔断。(梁碧玲摄)

而对于有传将回巢拍摄《卧底娇娃》,Maggie即笑话因为Amy姐退休,所以要再考虑。“传啫,未落实,系有揾过我倾。(条件系咩?)未谂,大家开开心心,我最重要享受过程。”而有传钟柔美(Yumi)将饰演其女儿,Maggie表示成事的话,都会期待新火花,仲话自己可向年轻人学习,仲话唔怕开剧要挨夜,但最后都补多句“传啫,传下先”。

倾到攰,方中信同邵美琪一张櫈两份坐。(梁碧玲摄)