邓月平dry爆多年冇拖拍冇人追 想借醉打电话畀一个人：未够大胆
撰文： 林迅景
出版：更新：
邓月平今日（02/8）出席啤酒活动，她接受《香港01》访问时，就直言有和男性和女性朋友饮酒，酒量会有不一样。她说：“同女性饮酒我会放松啲，会易醉啲，同异性饮酒，我战斗力惊人。（对异性敏感？）保护能力强！我试过喺生日party上面，得我一个清醒。”
谈到酒后做傻事的话题，她坦言自己并不会打电话给前男友或做其他事︰“我会同其他人讲人生哲学大道理，啲朋友平时都叫我做‘平姨’，同我个形象可能唔太一样。我成日都煮饭，然后叫朋友上嚟饮酒，成个形象就好似一个阿妈咁。”
她续说：“虽然我望落去比较男子汉，但喺爱情方面都比较怕丑，饮醉咗都系想打平时唔够胆打嘅电话。我觉得饮醉酒个人会比较大胆，但系未大胆到会打畀个前任。（最起码你‘想’打）已经太多年冇拍拖啦，如果下次拍拖再分手话你知。”会不会打电话给追求者？邓月平又表示不会︰“我会打畀经理人，问佢最近啲嘢安排成点。”现时有没有追求者？她又表示没有︰“可能我sense唔到。长期focus喺做嘢方面，又唔觉有异性追我。”