专访｜庄韵澄老公威吓对话曝光　称充满仇恨：我系你养住嘅傻仔

庄韵澄（前名庄端儿，Xenia）宣布与经理人吕成忠（Joe）离婚，出声明指男方结婚4年不事生产、擅自带儿子去台湾要胁庄就范、以CCTV片要胁、情绪勒索及言语暴力等五宗罪。吕成忠又上网台节目反击指被庄韵澄母女欺凌、指庄韵澄有产后抑郁、喂儿子饮符水、抱子危站51楼露台、疑似虐儿等，庄韵澄亲自现身接受《香港01》访问，称不想与任何人继续骂战，只想回应不实指控。

承认饮符水　全因长期受言语暴力太无助

当中，受到最多争议是庄端儿让儿子饮符水、食朱砂，庄韵澄受访时承认有喂仔饮符水：“因为我觉得阿Joe个人好跳制，成日都会好飘忽，无啦啦又会闹呀，情绪唔稳定，我哋就觉得佢系咪有啲污槽嘢，咁我哋就饮吓啲符水，因为我哋由细到大都系通道教，我细个都撞过啲污槽嘢都系咁样，但朱砂我哋一定唔会喂佢食，知道系唔得嘅，净系点呢度。”庄端儿称长期受到吕成忠的言语暴力，她抽泣讲道：“要几无助先要求神拜饮符水？好苦呀！”她又晒出与准前夫的WhatsApp对话，当中有不少恐怖的威吓的言语，声称自己充满仇恨又自认是“我系你养住嘅傻仔”和“你点对我，我十倍奉还”等等。

企上51楼的露台：点解你唔㩒我呢？

对于被准前夫怀疑产后抑郁，并指控多次抱B企上51楼的露台以及另一半未有上前阻止而选择拍照的行为，庄韵澄重申冇产后抑郁：“我梗系否认，我产后抑郁你唔带我睇医生？你应该陪住我，点解我搬张櫈出去，而又可以企到上去呢一段时间点解你唔㩒我呢？你又攞相机出嚟影相或者录片呢？我要佢交代晒我先覆到你，点解我𠮶时要咁做。唔知系我要透新鲜空气，威吓你定系点，当然我会承认威吓你，每个人都有做错嘢，我而家出嚟我唔介意你哋公审我，我唔介意你哋话我，我冇话过我啱晒，我只系会答事实上嘅嘢出嚟。”庄韵澄反指准前夫经常拉扯儿子，甚至骂哭工人姐姐。

自觉连累70岁母亲　委屈爆喊：我嫁错人

庄韵澄又自己不孝女，连累母亲而委屈爆喊：“我不孝女，我嫁错人，累到我妈血压高入医院。我妈喊住同佢道歉，话唔再干涉你哋两公婆生活，我听到觉得心痛，70几岁人，仲要过嚟睇住个女，只脚又唔方便，仲要而家畀人话埋一份。”

曾获朋友爆料怀疑准前夫召妓

庄韵澄又曾获朋友爆料指怀疑准前夫召妓：“我见到你老公入鸡窦，我话下唔系啩，真系我老公？咁我冇出声，我同佢冇发生性活活好耐，因为闹得太耐，然后我有同阿妈呻，因为佢成日攞CCTV出嚟话我哋欺凌佢，我出奇咗好耐因为我话佢叫X，但佢从来冇讲过呢两只字，呢两只字好侮辱，点解佢唔喺CCTV Cut出嚟？我妈咪话佢9成都有，因为我妈有次跟佢车去佐敦，听到人话落雨喇好收衫啦，但明明好好天，然后阿Joe就话查牌呀，叫啲X返上去呀，我妈心谂呢啲术语，梗系𠮶啲人先知。我无证据，我哋八婆嘅对话，我冇揾私家侦探去跟，因为佢个人好小心。”