陈蕾沾沾引Ian派大心心　洪嘉豪撑AK个唱睇背影都超感动

利物浦名宿科拿、贝加、史米加今日（1日）现身太古城中心出席足球盛会，身为“屯门快枪手”洪嘉豪，以及利物浦粉丝陈蕾获邀同3位名宿battle，不过陈蕾似乎无预计自己要上场，“控波”有少少甩漏。

Kaho同陈蕾接受访问时，大赞3位名宿十分nice，陈蕾话因为身边有唔少物浦粉球迷，所以慢慢受到影响，仲话细细个因为爸爸嘅关系，所以都会踢波；而Kaho则被利物浦嘅精精所吸引。由于Kaho自封“屯门快枪手”，所以陈蕾都为自己起朵“华纳执球员”，但问到会唔会有机会一齐落场，Kaho即时拒绝。

Kaho新歌MV《别烦我》上架，再度“出车”自肥，他笑言要承继《黑玻璃》，仲话想今年嘅MV都有车。而陈蕾早前亦以《五瓣玫瑰》MV自肥，远赴捷克拍摄，仲开心到翩翩起舞，再加上早前同Anson Lo嘅dance challenge，陈蕾是否想挑战“华纳舞王”洪嘉豪呢？“我收到邀请时都‘吓’，但其实之前喺电台见到Jeremy，佢后来有话好后生无捉住我跳舞，但又补咗句‘不过我只歌有啲难’，估唔到有人赏识我。”

另外，Kaho、陈蕾近日分别撑AK、Ian嘅solo concert，陈蕾贴心帮Hellosss谋福利，引Ian做大心心动作；Kaho就大赞AK唱歌有进步，边睇边觉得有自己嘅影子。“佢好努力、用行动做俾你睇，我系好开心，唯独系我个位太前，成日睇佢个背，不过背都咁精彩先大件事。”