专访｜庄韵澄老公神秘身世曝光　打理户口百万变两万：我系呆咗嘅

庄韵澄（前名庄端儿，Xenia）宣布与经理人吕成忠（Joe）离婚，二人连日来隔空驳火，令事件越演越烈。对于准前夫吕成忠上邵子风与大佬B网台节目《娱乐油麻地》声泪俱下否认食软饭，又怀疑其产后抑郁，多次抱B企上51楼的露台和喂儿子饮符水等指控，庄韵澄接受《香港01》访问，亲身回应离婚内幕，更首度曝光吕成忠的神秘身世，直斥：“我系嫁咗比个老千唔系老公！”

庄韵澄现身时难掩憔悴，多次提醒传媒自己并非想力数对方和造新闻，只想澄清不实指控。她于2020年无预警宣布与吕成忠奉子成婚，庄韵澄直认自己绝对是恋爱脑，回想当年吕成忠跟她做义工，被他于公路执起死猫一幕而吸引，想不到跌落充满荆棘的陷阱：“点解我会嫁咗畀佢？肯定系我𠮶期冇饮符水，鬼揞眼。（以为佢好有爱心？）系呀，我真系以为系，几白痴呀，我真系傻仔！”对于大佬B在吕成忠上节目爆料后，特别提到：“我了解过Joe身世，但系由于受访者无同意我公布有关嘅资料，所以我就唔讲俾大家听喇。但系如果你知道佢嘅背景，大家就会明白点解佢眼神闪缩，对太太嘅所有要求都服从。”

准前夫吕成忠神秘身世曝光

对于准前夫的背景，庄韵澄称由于顾及对方感受，至今仍不知其破产的真正原因且结婚至今仍未见过对方家人：“佢成日讲佢老豆渐冻人症死，佢阿妈有情绪病，佢家姐发烧烧到有少少轻度弱智，呢个系佢同我讲嘅背景。”

婚后让男方打理公司户口　7位数变2万：我系呆咗嘅

对于他的出身，庄韵澄从未嫌弃，更让对方随便使用公司户口的钱：“佢可以随便用，公司户口嘅钱系我名下，咁当然佢唔系冇付出嘅，佢有车出车入，佢真系有去帮我处理我嘅工作，例如接洽，但影相可以唔使佢影嘅，唔通我叫你影张相，你同我遂张计咩？执相我自己都识执，不过佢钟意，佢要做咁我咪畀佢做啰。如果呢一样嘢你攞到人生嘅价值，我咪比你啰，唔系你做完一样嘢，要秋后攞嚟算帐。公司户口系有7位数字以上，所以钱都系Under我名下，我系冇管理，因为佢话佢系财策师，我觉得佢系一家之主，好早好早嘅时候我已经将所有公司户口嘅嘢比晒佢，畀佢打理。我都唔理点样用啲钱，有啲嘢都系佢倾嘅，但大部分系……9 1咁，我唔否认佢嘅付出，佢系有付出过。（好信佢？）好信，我老公嚟㗎嘛，我点知会咁，唔系老公系老千啫，你结得婚，有埋个仔你唔会谂住分开，我唔信你信边个？我哋系一个家庭，你咁样跣我都得嘅？总之，佢临去台湾之前，我问佢擮返晒户口啲钱，我户口系得返两万几蚊，我系呆咗嘅。（知唔知佢啲钱使咗去边？）唔知，但我都冇去干涉，不过屋企嘅开支全部都喺𠮶度攞嘅，包括屋租同开支，所以我唔能够怪责晒佢，大家有份使。我都冇开口怪过佢任何嘢，点解你要开口去怪我呢？”

男方自称儿子主要照顾者：你冇嘢做，你都唔凑仔咁你做乜嘢呢？

对于准前夫声称自己是儿子主要照顾者，庄韵澄即反白眼：“我有两个工人，唔使佢做家务，你哋唔好误会。佢都冇乜点凑仔。（但佢话佢系主要照顾者？）如果你冇嘢做，你都唔凑仔咁你做乜嘢呢？𠮶个都系你个仔嚟，我有嘢做我都主要照顾我个仔啦，系咪要攞啲字眼出嚟讲，你系应该要照顾佢㗎嘛！你唔想车佢返学唔紧要，我咪Call车啰，其实我哋系一齐送返学，我唔返工就一齐送。佢不嬲都钟意车出车入，我以为你好钟意，你唔钟意我可以Call车，我可以夹一个司机，我唔需要受气，都系钱解决到嘅问题，如果钱可以解决到，可以唔闹交，咁咪攞钱去解决啰，但你又要车，即系乜都系你讲晒。每次叫佢揾工，佢都攞呢啲做借口，又话我要处理我啲嘢都冇时间，但我眼见就系佢碌电话，玩音响同相机。”

婚姻到尽头冇得掹　称对方城府极深

准前夫爆料后出Po公开求复合：“我好爱我太太，请不要伤害滈滈妈咪，一个家妈咪唔开心全家人都唔开心。老婆对不起、对不起、对不起。请让我们一家人幸福。我会努力揾钱。”庄韵澄称对方城府极深，：“佢连车Cam片都可以剪晒头头尾尾，几年㖞，唔系一年，城府你几深？又唔出声带走个仔去台湾，呢啲系事实嚟，我点样闹你都好，话X街又好、傻仔同贱人都好，我都冇错呀！你做咁多呢啲嘢对我，唔会冇得掹，佢仲癫到去邵子风𠮶度做直播之后，话我哋一家三口一齐生活喇，我好爱你㗎老婆，你唔好再伤害自己，我冇伤害你，你一直伤害紧你自己。”