李丽珊为爱女绝缘社交网 吴颖岚撑黄镇廷表现好

休息了一日之后，李丽珊继续返回岗位，为HOY作奥运评述，珊珊表示宁愿不放假：“原来放假喺屋企都系忙住睇奥运! 所以我宁愿返嚟同大家一齐去欣赏赛事，反而会开心啲! ”对于师妹马君正将会出赛帆船，争取争夺奖牌的机会，珊珊就希望不要给予对方太大压力：“因为佢而家排行第11，如果佢可以追到头十位，就可以有争夺奖牌嘅机会! 希望佢尽力而为，唔好畀太大压力佢。”

讲到李丽珊是社交媒体绝缘体，她就笑言是身教：“一来我对于社交媒体冇太大嘅兴趣，亦都想过返一啲私人嘅生活，二来我系希望身教，因为如果我都冇呢类社交媒体，两个囡囡就冇借口话，你都有啦! 我点解唔可以有! ”讲到很多运动评述员收到善意和恶意的批评，珊珊就表示善意应该要虚心接受，恶意嘅就不用理会。

而香港乒乓球运动员吴颖岚（Venus) 今年就担任HOY嘅专业评述，对于香港两位代表于乒乓球赛32强止步，Venus就表示他们两个表现好好：“其实朱成竹及黄镇廷已经发挥应有嘅水准，两位面对嘅都系日本同埋中国嘅高手，压力都唔少! ”而讲到面对比赛的压力，Venus 就笑言自己喜欢唱歌及跳舞，以前会喜欢Big Bang，而家与时并进，就会钟意BTS! ”