AGA江海迦巡唱深圳站邀林德信任嘉宾　形容对方：好重要嘅一个人

江海迦（AGA）日前于深圳湾体育中心春茧体育馆举行《AGA ONEDERFUL LIVE》深圳站，是内地巡演的第四站。开骚当日深圳下起连场大雨，不过亦无阻粉丝热情，能容纳9000人的场馆全场爆满。

AGA为今次深圳站演出特别准备两套由外国空运到场的新战衣，一套是火红色高衩长裙，大骚曼妙身材，另一套是全白色如海浪设计的长裙，姿态潇洒飘逸。

AGA邀请到相识超过10年的好友林德信担任嘉宾，二人合唱经典英文金曲《How Deep Is Your Love》，说起二人相识经过， AGA自爆自己以前是“Rock妹”。她说：“大家有所不知，其实我曾经都系一位Rock Girl嚟。幻想唔到系咪？我见到大家脑海好多问号！我入行前玩第一队Band嘅原因，就系因为Alex拉我入去，所以度过咗一段用摇滚音乐表演嘅时间。Alex亦畀咗好多鼓励我，令我鼓起勇气踏出创作嘅道路。Alex系我音乐事业中好重要嘅一个人，所以好多谢你，好开心可以喺今场邀请到你做嘉宾。”

林德信补充说：“补充吓佢讲嘅故仔，有一晚我喺Music Bar同朋友Jam紧音乐，𠮶间Bar好正，所有人都可以随意上舞台一齐玩。当我喺度唱歌嘅同时，突然之间听到后面有个唔识嘅女仔弹住琴唱歌。然后我拧转头，见到‘咦，靓女嚟㗎㖞！’我就系咁认识咗AGA，然后我哋好快组咗队Band。”AGA又笑言，自己曾担任Alex第一首歌嘅的MV女配角，是有饭盒的特约演员，还打趣叫乐迷不要找来重温，之后交舞台给林德信献唱《敢爱敢做》。

AGA刚推出新歌《DRUNK DIAL》，于深圳站舞台首次公开演出，她说：“首先要介绍一下，我将会推出一张全新专辑。呢首歌系我七年前写起，故事启发自一位朋友，讲述关于饮醉酒后打畀朋友㗎，而我每一次都会阻止佢。就系因为呢个原因，所以我写咗呢首歌，展开呢个新碟计划。好开心可以喺呢度同大家分享新碟嘅第一首作品《DRUNK DIAL》！”同时舞台上萤光幕播放出MV，乐迷能够同步欣赏。

由于现场反应热烈， AGA亦感激乐迷无惧风雨入场支持，所以为大家送上两次encore，唱出《Wonderful U》及《See You Next Time》，为演唱会画上完美句号。