黄庭锋爆每一更直播都有钟志光　由晏就做到凌晨：佢系冇跌watt㗎

巴黎奥运进入第4日赛事，香港已经夺得2金1铜3面奖牌的佳绩，而各大电视台亦不停举办奥运有关的活动。TVB昨日（30日）在一商场举办打气活动，一班奥运之星刘颖旋、黄庭锋、何泳芍及何沛珈都有到场，他们带同冼靖峰、黄洛妍、罗启豪、支喾仪、颜米羔、陈俞霏及《2024香港小姐竞选》十五位候选佳丽到场为港队打气。

主持人之一的黄庭锋接受《香港01》访问表示今次是第二次做奥运主持，更透露一入行就做奥运：“啱啱入公司嘅时候，第一个工作就系奥运啦！其实我今次做嘅时间都谂返好多我第一次做嘅时候系点啊，𠮶时好新啦，好多嘢都唔记得啦，有时又有可能会讲错啲名啊，咁就要靠其他嘅前辈去提点自己。咁今次呢醒咗小小啦，功课方面就再做多啲啦，同埋我觉得所有嘢都系好睇临场𠮶个反应嘅。”

黄庭锋表示今次奥运的角色有一点不同，而且责任大了很多：“就系真系自己要lead住其他评述员、专家一齐去讲啦，所以个责任就大咗。自己记嘅嘢又多咗，同埋可能经验多咗嘅时候就我自己觉得可以再做好啲，我自己对自己要求都高啲，所以就希望可以喺功课上面再加多少少功夫。”

今年奥运因为在法国巴黎举行，与香港有6个小时的时差，所以不少赛事都在凌晨时份举行，黄庭锋被问到要工作到这么夜会不觉得很累，他表示最近都拍到凌晨5时左右：“我觉得系值得嘅！每一场嘅比赛因为有我哋好多港队嘅成员，就系剑撃家朗啊Vivian啊何诗蓓啊，咁所以我自己呢就愈睇愈精彩，愈睇愈精神！我觉得我handle到嘅！”黄庭锋更指比赛完了回家也睡不著，因为脑内不停播出他们比赛的片段，感到无比的兴奋。

说到他的伙伴钟志光亦有担任今届巴黎奥运节目的主持，钟志光由上周五晚开始领军主持，连日来都不停见到他出现在奥运的节目直播上，仿佛不用休息一样。黄庭锋就指自己十分欣赏钟志光，更形容他是“体育字典”：“佢系一个人肉嘅体育字典，另外就系其实我哋做奥运有好多即场嘅嘢，譬如可能喺巴黎𠮶边有啲访问我哋要即刻同佢倾计。钟sir基本上系佢处理晒呢啲嘢，系好轻松，另外佢真系时间比较少嘅佢瞓得！因为佢基本上每一更都有佢，譬如喺晏就一路做做到去凌晨，但系佢系冇跌watt㗎！”难怪每一项的赛事都会见到钟志光出现。

黄庭锋更指钟志光有能力带领他们整个团队：“我自己系好欣赏佢，你话有冇break呢？其实中间系有嘅，有阵时可能饮吓水，去个洗手间，可能食吓嘢都要。因为如果我哋唔食嘢系唔可以挨到5点几6点，但系我哋每一次都好快就返嚟，呢一个专业精神系值得我哋去学习。”

张家朗昨日再次夺得金牌，而黄庭锋亦在录影厂现场，他被问到看著张家朗再次夺得金牌有什么感受时，他表示很紧张：“我喺系一厂直播嘅时候见证住佢攞呢个金牌，个心情原来系仲紧张，因为我隔离有好多佢嘅队友，同埋一啲教练，个感觉好似好近！因为我会系隔离听到佢队友不断话‘唔好退后啊，向前，家朗唔好再退后啦，呢一分一定要向前，积极主动去攞！’我觉得好近，突然间香港同巴黎好似系零距离，𠮶刻我系喺呢个剑撃场大皇宫同佢哋一齐去参与呢个盛事，所以我觉得系𠮶种紧张程度我谂系10倍，甚至乎系100倍！”

黄庭锋说到赛事后他兴奋到睡不著觉，需要平伏自己的心情才能睡，亦会回想他们比赛时的画面，可见他对奥运的投入感十分大。