郑俊弘挨眼训撑港队　黄剑文最想重唱经典《有心人》

由 MQ Musical Theatre主办，以张国荣为主题的音乐剧 《为你钟情》(Café I Do - The Leslie Cheung Musical) 将于2024年8月16-25日（共6场）假座香港西九文化区戏曲中心大剧院正式公演！歌手黄剑文、叶巧琳、郑俊弘、陈凯彤近日密锣紧鼓彩排，带给观众一个达国际级水平的演出！

呢日一众演员现身彩排，又唱又跳《大热》、《无心睡眠》经典金曲！黄剑文呻又跳又唱感难度，努力彩排盼做到100分：“最难就系跳舞，其实有啲歌我都好想唱，例如《有心人》等等，希望有机会再开Part 2时可以加啲歌入去。其实依家啲歌我都钟意嘅，透过今次音乐剧会有更深嘅感觉。”而陈凯彤就话未有舞台剧经验，幸好依家已掌握节奏！

音乐剧公演在即，但众演员“心思思”谂庆功，叶巧琳仲爆料已经有计划：“啲高层已经讲好咗会庆功，但地点就未定好！”虽然大家都忙于彩排，但近日港队奥运成绩斐然，郑俊弘都挨眼瞓撑港队：“今日就真系眼瞓嘅，因为寻晚等仔仔瞓咗之后，自己都抖一抖，半夜起身睇张家朗决赛，呢啲历史时刻要见证嘅。”