何诗蓓感激港人支持　对100米有信心：我知过去几年落咗几多苦功

“港队女飞鱼”何诗蓓和“香港剑神”在香港时间7月30日合力为香港体坛缔造历史一天，张家朗成为史上第三位卫冕奥运男子花剑个人赛的运动员，也是68年来首人；何诗蓓则在女子200米自由泳摘铜，两人合力连夺“一金一铜”，全城振奋！

何诗蓓于今日凌晨3点53分出战女子200米自由泳决赛，在面对两名澳大利亚大热选手的冲击下，何诗蓓以1分54秒55完成比赛。何诗蓓在头三次转池时均稳守第一名，但最终不敌两名澳大利亚泳手以第三名冲线，为港队增添一面铜牌，亦是港队今届奥运的第二面奖牌。

无线巴黎特派专员方力申（小方）在何诗蓓领奖后进行独家专访，小方问到何诗蓓比赛时的感受和能否顺利执行比赛部署？何诗蓓坦言：“我知道呢场比赛（成绩）会好近，澳大利亚实力真系好强，佢哋几个月前先破咗世界纪录，我知呢场比赛唔会容易，我嘅强项系Easy speed，所以我尽量一开始游快少少，以一个轻松速度去游，我知道澳大利亚选手通常会喺最后50米会搏尽冲番上嚟，我知道最后25米唔可以放弃，耷低头好快咁去游，睇吓边个可以最快掂池，虽然时间比我想像中慢少少，但系攞到铜牌我都好开心，同埋现场见到好多香港区旗，好多香港人嚟咗呢度睇我比赛，我屋企人都喺现场，令我感受到大家嘅支持同埋好开心。”

何诗蓓又感激身在香港的观众挨夜支持：“好多谢大家嚟紧呢两个星期要挨夜睇比赛，好多谢大家支持，我呢几日比较少上Social Media，睇唔到大家嘅Message，但系我收到大家嘅爱同埋支持，希望大家继续支持香港运动员，我哋好努力为大家比赛，希望大家都可以支持我哋。”

小方讲到何诗蓓将出战100米自由泳，现在先夺一面奖牌打了一支强心针，同时大家对她期望变得更大，问到会否有更大压力？何诗蓓坦言：“唔会，我知道过去几年落咗几多苦功，训练有几辛苦，我对自己有信心，依家最重要系返去好好做恢复，希望抖足精神，听日一步一步咁嚟。”小方再问到连续两届夺得奖牌，感觉哪一届比较困难？何诗蓓说：“届届都唔同，上一届期望冇咁高同埋冇观众，所以压力冇咁多，虽然今次期望多咗，但我对自己能力都有信心，同埋感受到大家支持。”