巴黎奥运｜李丽珊为“递耳机”与江旻憓访问解画：我唔系好知咩事

李丽珊28年前为香港在奥运上实现了零的突破，今午（29日）她到HOYTV为今晚奥运赛事入厂做准备前夕，有关方面送上鲜花及柑庆祝，令毫不知情嘅珊珊十分惊喜。李丽珊接受访问时笑言自己向来无咩仪式感，而佢只记得今日系家姐生日，所以好多谢大家勾起佢嘅回忆，又笑言当年拎世界冠军后，第一时间系去瞓觉。

李丽珊又大赞香港运动员展现了香港人坚毅不屈嘅精精，而提到“跳马王子”石伟雄出局时，她在录影厂大赞对方克服伤患、表达自己努力言论获大赞，珊珊表示多谢大家认同。“佢哋攞唔攞奖都好，都系有付出同努力过。石仔系更值得表扬，因为佢经历过好多伤痛，同埋佢喺上届亚运系放弃争金，去换一个机会拎一张奥运入场券，其实系好难取舍。”讲到早前因为某啲体制而扼杀运动员嘅机会，李丽珊认为属会要有透明度，而运动员本身亦是有条件同能力，在双赢局面下代表香港出赛。

而讲到担任奥运节目主持，李丽珊透露因为习惯早上7点起身，所以如今每日凌晨四点收厂再返屋企，得一小时睡觉。“都几辛苦，所以我又request放一两日假。”但她认为辛苦系值得，又希望可见证更多香港运动员夺金。“因为自己系钟意睇运动，觉得有趣嘅会mark 低，当我知道要做主持时都做咗好多功课，因为人生就系不断咁学嘢。”

另外，讲到日前江旻憓夺金后，在接受香港传媒访问时，HOYTV突然递上耳机疑似争独家一事，李丽珊原来毫不知情。“我净系睇到个mon话会做大会访问，其实如果我冇记错，当时系小伦同佢祝贺，主要系想恭喜佢。（会唔会觉得浪费咗机会？）因为整个过程我唔系好清楚，不过点都好，大家都系想睇到Vivian开心一面，我真系唔系好清楚发生咩事。”