【不服来辩】香港无人理MCJin？　农夫先系将HipHop带入屋代表

MCJin在香港红唔起，似乎已经成为了近期网上热讨的话题。一个在美国HipHop界以rap成名的小子，回流香港出过几只HipHop碟，拍过几套电视剧，又做过维他柠檬茶广告，其实以入屋程度来说都已经算是成功。但大家觉得他在美国是一个用rap去rap赢黑人的华人，来到香港却变成三不像一般，rap无乜得点发挥，自然不能将HipHop发扬光大，拍剧也不算是很成功，在《潜行狙击》中做杨立青算是比较突出的一个角色。如果以一个外国出晒名的rapper都未能够在香港发展HipHop，难道香港的HipHop界真系只可以有underground，唔可以入屋？

回想一下以前以HipHop做招徕的歌手，要数最出名一定要数LMF这队组合，当时初出道以粗口歌词成为最大卖点，当然有人支持有人反对。支持的人会认为他们这些歌是当时年青人的文化和态度，以及对社会的控诉，所以先会以粗口写歌词。反对的人当然会觉得粗口教坏人，而且因为LMF的歌有不少是闹政府，亦惹来一堆卫道之士的反对。要讲rap粗口一定唔可以唔提KZ，相信平时有听开香港HipHop嘅朋友一定有听过佢嘅歌，很多人都赞他的填词功力之高实在罕见，佢有好多闹得好凶狠嘅歌，不过最深印象，都系“佢家吓黄色衫，又变返著绿色衫。”真系妙到毫巅。

不过粗口你又点可以令佢入屋？当年LMF凭大懒堂一歌令他们获得叱咤乐坛我最喜爱组合奖金奖，成只歌一粒粗口都无架！讲到尾，你要将HipHop在香港这个比较保守的市场全面推广，粗口一定唔使谂。所以话，要讲将HipHop最成功带入屋一定系农夫，其实佢地早期都有唔少作品以讽刺手法去讲香港情况，例如《港人自讲》、《十七年华》等。自从转咗去陈冠希间公司之后就开始制作一些轻松正面的HipHop歌，开始成为乐坛颁奖礼的常客，《456Wing》、《举高只手》、《风生水起》等等歌曲都大把人听过，佢地少了讽刺时弊，多咗共鸣人生，例如《伟大航道》、《好彩分手》、《返老还童》等等，这些歌你听完未必会好激昂，但会有一种沉淀，因为佢哋可能就系唱紧你嘅人生。虽然有人批评佢哋数白榄、商业化、失去HipHop意义，但无可否认香港人已经接受农夫有自己风格的HipHop歌，唔一定要粗口，唔一定要闹人，原来正面、鼓励嘅HipHop系可以在香港立足。

咁究竟农夫仲算唔算HipHop文化？定佢哋已经商业化咗？其实在农夫早期歌曲《菩提本无异》中已经讲过这个话题，其中有一句歌词系：“咁如果佢卖到好Pop呢，咁佢仲系咪HipHop呀？”咁卖得同埋入屋系咪就唔可以系HipHop？唔通HipHop一定要underground咩？HipHop当年在美国形成的时时候，其实就系一种结合了黑人的语言、音乐、舞蹈等等多种元素组成的文化，范畴太大，我地集中讲HipHop歌部分，HipHop同Rapping，就是一种带有节奏与押韵的说唱方式，难道农夫的歌不是这样吗？正如上文所言，其实佢哋只系以自己的风格继续HipHop呢条路，亦成功将呢一种HipHop带入屋。