钟志光难忘采访女车神李慧诗　获颁荣誉院士笑称提名人超大胆

人称“钟仔”嘅钟志光除咗系著名足球评述员外，大家亦几乎每晚都喺《爱‧回家之开心速递》见到佢。现实中，钟志光系哲学文学的硕士生，而早前更获教育大学颁荣誉院士。

钟志光接受港台节目《安哥同学会》访问时，他先解释体育主持和体育评述嘅分别。“好似足球、乒乓球或者高球，我系比较有信心用评述员身份去做，因为自己比较了解同认识；但好多时，奥运我身份系一个主持，主持做引指、代观众问问题，真系唔系咩都识，我真系从旁协肋。好似讲排球，有边个叻得过雷Sir，咁当然要交俾佢讲。”钟志光自觉好彩，过去做主持时，从林尚义、蔡育瑜身上学到很多。

而讲到至今仍为人津津乐道嘅“此时此刻，无语问苍天 ”总结刘翔因伤退出，钟志光就话当时系因为同事叫做录一个感性啲嘅VO，睇足全个过程嘅钟志光于是就有了以上总结。钟志光早年不时被外派到奥运现场采访，被问如何拿捏访问落败运动员嘅要诀，他说：“问问题唔好太长、由对方讲 ，让佢去发挥，当然做之前要留意整个过程，好似上一届李慧诗好有机会拎金牌，公司都买咗好多场有佢嘅赛事。以往比赛时，佢都会留最后再发力追前，但上次系一开始就冲，当时访问时，我问佢呢个改变，佢讲一句我好记得“我唔听话啰”，咁细微嘅嘢令佢输咗。”

而提到早前获母校教育大学所颁嘅荣誉院士，钟志光十分谦虚表示自己对母校供献极少，又笑指一个讲波佬谂都未谂过会有此成就。“我知系有提名人，但问好多次都不果，只可以话提名人好大胆，因为过往所颁发嘅院士都系运动员，但我嘅工种系之前未有拎过，系好感恩，做嘅嘢被肯定，但所有功劳都系我嘅老师，无佢哋我无今日，大家都要心存感恩。”钟志光又谓持完院士后，会继续日常工作，唔会因而做多或做少。