巴黎奥运｜网民对运动员做评述意见多 张小伦爆SEED：积下啲口福
撰文： 洪晓璇
出版：更新：
香港男子击剑运动员“大师兄”张小伦今年4月刚宣布退役，结束20年全职运动员生涯。退役后今届巴黎奥运换个身份再次参与担任HOY TV剑击比赛直播评述，但他突然在社交平台爆SEED，望大家尊重运动员及在电视台做旁述的运动员：“积下啲口福﹗”
巴黎奥运｜运动员任评述受抨击 大师兄张小伦：只想保护师弟妹！
张小伦写道：“做香港运动员就系咁，一有成绩就系到呱呱嘈，冇成绩就系到X，咁细个地方岀到奥运冠军级别运动员，你估容易丫！要牺牲几多代人嘅努力同付出，牺牲几多位运动付出嘅年轻人，你又识得几多个？？？唔该大家评论运动员去唔同电影（视）台做旁述嘅时候，积下啲口福，个个挨更抵夜去讲专业运动知识俾你哋听，虽然我哋唔系专业，但系我哋系流住运动员嘅血，系一世㗎，希望分享多啲运动员嘅经历。”
20年全职运动员生涯，张小伦深明当中辛酸：“有得去参与奥运嘅运动员，我哋当然要帮佢哋打气，冇得去嘅一样喺唔同岗位默默努力，不论输赢系咪都要尊重啲运动员，佢哋用人生最青春嘅时光﹑用努力意志去克服唔同嘅比赛同伤患，希望可以有一日踏上颁奖台，证明自己。其实冇得去参加奥运嘅运动员，都好大勇气行岀来去做运动旁述，仲要比大家批评，我性格就系咁有个句讲个句，唔钟（钟）意我哋嘅好似睇电视一样，揿个掣转台或者熄机。讲完今晚继续OT，香港运动员无论你哋输赢，永远系我心中都系世一。”