31岁亚姐踎大牌档揾美食唔怕污糟　可人下厨煮宵夜挨眼瞓撑港队

由亚洲电视和饮食天王（环球）控股有限公司联合主办的《亚洲饮食天王颁奖礼暨亚洲饮食天王美食指南点赞榜》新闻发布会，日前（27/07）在大埔亚洲电视城一楼隆重举行。亚洲电视行政总裁魏来先生、饮食天王（环球）控股有限公司行政总裁梁震宇先生、2018年亚洲小姐冠军梁雪瑶、艺人可人（Kelly）等等均有出席。

2018年亚洲小姐冠军梁雪瑶担任大会司仪，她表示自己“识饮识食”， 透过今次活动可以“捐窿捐罅”揾好野食：“我绝对系一个‘吃货’，饮食系人都钟意啦，大牌档我都会去食，香港啲大牌档都好干净，唔怕污糟或者比人眼望望。呢日做司仪都有少少紧张啦，但胜在有表演同唱歌经验，做司仪当佢新挑战，加上呢日有好多日本饮食公司代表来支持，但系我都学唔识日文。”

而另一艺人可人（Kelly）当日性感赴会， 佢就表示自己“怕肥”，但往往美食当前都比食物“引诱”成功， 将身材摆喺第二位：“我平时在屋企系好自律嘅，但如果出去食饭就一定会食好嘢，所以啲朋友都好奇怪点解可以保持到身材！”近日港队成绩不俗，可人表示都有收看直播支持盛事：“我叫晒嘅同事去我屋企睇剑击决赛，因为太夜啦都忍唔住食宵夜顶眼瞓，但既然都系食梗系食好啲，我亲自下厨煮宵夜比同事试吓，比佢地感受到我嘅爱！”

而饮食天王（环球）控股有限公司行政总裁梁震宇先生就话自己“识食未必识煮”，而一直都同艺人合作推广亚洲美食：“因为我都好想整一个由亚洲人决定嘅标准，由外国人评中餐好似怪怪地咁。我地一直都有同娱乐界朋友合作，希望Cross Over支持餐饮界。”