ROVER专访｜获公司力捧有压力　Jason加入延毕行列唔感可惜

出道4个月，ROVER第2首新作《回魂术》极速面世，事缘4子睇完骚后，Kim一句“不如写歌”，于是拉大队去到新租用嘅band房，通宵“剪剪贴贴再加加减减”，最终变成了《回魂术》。Jason说：“其实应该再快啲，但因为出完第一首歌后，有综艺又有其他工作，公司都有话‘点解咁耐都未出歌？’ 所以加快脚步。”希晋坦言大家默契增强了不少，慢慢了解对方写歌的节奏，第三首歌亦已筹备当中。Kim说：“公司俾机会、资源我哋，当然愈快出愈好，唔想错过咗。”

谈及歌词中的一句“Bring it back to life”，希晋最想回到19岁那年，好让当时的自己不要浪费时间，提醒自己坚定走向自己的目标，最重要系学好乐器；Kim最想回到童年时，原因是小朋友无忧无虑，仲可以有人照顾，听到Kim句“有人照顾”，3位队友即时起哄，完全视“队长”为无物，但亦足见4人感情何其好。

出道未够半年，ROVER先后参与大骚，由九展、麦花臣、 红馆、亚博到台湾春浪音乐节，足见公司力捧程度，话无压力就假，Kim：“紧系有，就好似你所讲，出道未够半年去咗咁多个舞台，而人哋可能努力好耐都未上到，所以我哋唔想做得差。”希晋认为有压力有推动力，亦促使ROVER培养更好嘅默契、执生能力，而本身系band仔嘅Jason有更深感受：“唔好咁侥幸，好多人夹band多年都未必有机会上呢啲舞台，我哋系有啲快，有公司支持、有好彩，所以真系要珍惜。”

如果要讲最紧张，ROVER首次在“The NextWave 沙滩音乐节”演出时，打头阵出场落大雨，令要solo结他嘅希晋都有少少怯；而喺九展告别骚打头阵嘅亨仔，当初都好抢心“一开声就炒车”，但最后就连甩结他带都丝毫不影响，仲大赞自己“好叻仔”。

对上一次访问ROVER时，Jason为学业而港澳两边走，十分频扑，但他当时就话“挨多几个月就毕业”，谁不知几个月后嘅访问，Jason原来已决定延毕，他解释：“开头以为自己兼顾到，但原来需时间系比人多，老实讲真系处理唔到，完全无时间做功课，咁仲讲咩毕业，𠮶少少比想像中多好多。”而早获学校支持“休学”嘅亨仔，笑言自己都有变数，好担心毕唔到业⋯⋯

Makeup: 左玉婷,sharonlee_makeup

Hair: kit li

Stylist：SK @issyynkeem

Wardrobe : MR PORTER

Accessories : DEOPUZ

场地：No.1 Party Room @no.1partyroom