巴黎奥运｜ViuTV饶家辉采访被指似审犯不顾运动员感受 网民嗌换人

巴黎奥运中，各电视台都有派员去现场直击及采访运动员，而ViuTV记者饶家辉就被网民投诉采访极无礼貌，不顾运动员感受，似质问多过访问，要求换人！

先是采访64强止步的港队柔道女将王嘉莉，对方落败后，饶家辉问：“完成第一场奥运比赛觉得点？”王嘉莉一脸难过表示不满意自己表现，他再追问：“唔满意喺边度呀？”王嘉莉回答：“输𠮶下其实系比赛前系咁研究，谂点样防守得好啲，但最后都系做唔到……”他之后又问：“你赛前都讲过想同佢斗立技，但比对手拖到用寝技，最主要关键系咩呢？你做漏咗咩呢有一刻？”、“跟咗蒙古教练一段时间，你觉得蒙古教练教你嘅嘢，呢场比赛你拎咗出嚟有几多？拎到几多嚟用？”网民都认为饶家辉语气差，因为去到奥运参赛已经好叻，今次虽败犹荣，但记者就冇顾及选手落败的感受。

网民在ViuTV的片段留言：“啲运动员真系好惨，输咗比赛都已经心情唔好㗎啦，仲要应付埋啲记者嘅白痴问题。”、“Viutv绝对要换咗访问条友，审犯咁，系咁问人边度出问题，上届已经觉得佢好差。”、“Viu要正视一下记者嘅质素，要清楚了解自己应该和唔应该做/讲嘅嘢。听完佢讲嘢都好唔舒服。粗俗讲句，佢凭咩同奥运选手咁讲嘢呢？”、“呢啲叫质问，唔系访问”、“咩料，同公开羞辱差唔多”也有人建议：“佢好想Show到自己好有认识好识问问题好尖锐，但忘记咗尊重同鼓励运动员系更重要，特别系输嘅情况下，其实佢问完答完又点？观众有得著？冇就不如关心吓运动员畀啲鼓励人。”

空手道运动员李振豪亦有在社交平台出Post，他批评：“刚刚睇完某V电视台的现场访问我们刚完成比赛既香港柔道代表，其实那记者问嘅问题、语气我个人认为系十分之不尊重。人哋刚输咗比赛回到采访区，记者问个人感受之类人之常情，但用到我个人认为轻佻嘅语气问到好似赛后检讨咁，系所为何事呢？其实可唔可以照顾下运动员嘅个人感受？踏上呢个舞台用咗几多气力、个人同团队花咗几多心血，唔会有外人清楚。我都想问个记者，‘你知唔知人地唔满意你边度啊？’”

而另一条片，饶家辉访问乒乓球代表黄镇廷杜凯琹，二人成功晋级乒乓球混双8强，饶家辉问：“头两局分差唔系赢得好大，但系都叫攞咗两个得分，不过后尾争啲畀人压迫返上嚟，𠮶度发生咗啲咩事？”黄镇廷解释自己上场前有压力，幸好在场上调整能力也可以，不过中段确实有困难，但最终仍能及时解决。

之后饶家辉又问：“及后落后2比7，你可以压制到对手，亦都曾经6比7嘅时候有个暂停，刘国栋都有同你沟通，𠮶度发生咩事可以连追9分？”、“啱啱出咗赛果喇，你哋下场对手系西班牙组合，点睇？”语气都比较倔，网民就开Post要求：“集体投诉Viu记者饶家辉”，指他连访问胜出运动员都好似教练般检讨对方表现，其他人留言：“好似老细对下属咁”、“睇Live都打咗个突”、“语气系严厉咁问，劲冇礼貌”

饶家辉是香港体育评述员，早年曾在无线电视和亚视效力，后来加入nowTV至今。他做主持的其中一件经典事迹，是2007年访问南华中场李海强时，遭对方突袭用香槟狂喷，他说：“李海强！你好嘢！我真系估唔到你会咁！你好嘢！”而四年后，饶家辉终于成功用香槟回喷对方。