《早霸王》疯传8月停播网民闹梁嘉琪累全家　森美︰佢冇咁嘅力量

森美今晚（26/7）现身湾仔出席经典英文原版音乐剧《MAMMA MIA！》首映。对于有指他主持的商台节目《早霸王》将于8月5日折埋，有网民闹爆梁嘉琪表现累全家。森美接受《香港01》访问时表示：“以往电台有一啲重大嘅节目，我哋嘅节目都会作出调动㗎。而呢个节目系大到冇得再大，直头系第一。不过我而家就唔讲得住，可能大家会谂有咩节目连森美都要让一让位呢。”

被问到节目改动是暂时性？森美表示：“应该都系暂时性，始终𠮶个环节都唔系好长，大家值得留意。多谢大家关心我嘅生计，如果冇节目做，我都系食谷种啦。（记︰改动是否梁嘉琪所累？）咁佢又冇咁嘅力量，哈哈，暂时佢嘅表现影响力冇咁大，你可放心，哈哈！如果佢嘅表现影响到个节目，都系我力有不逮啫。如果佢咁少嘅力量都可以令到我冇咗份工嘅，咁佢就太劲啦，你哋太睇得起佢。”