林恺铃睇完Ian演唱会超兴奋 与Hellosss齐执纸碎

林恺铃、Nancy、陈汉娜、张蔓莎、王智骞及范麒智今晚现身尖沙咀，出席时装品牌活动。林恺铃昨晚（24日）入场做Hellosss 睇Ian演唱会，她大赞Ian整个演唱会都超高质，自己最钟意《宁静海》一part ，而问到有无“执纸碎”，林恺铃即时傻笑，仲分享战绩。“我执到树熊，但出唔到鲸鱼，因为鲸鱼离我好远。”林恺铃又话Ian 就算唔骚肌都已令自己心心眼。“佢嘅才华系cover 晒所嘢，佢自弹自唱，钢琴、结他都识。睇完我有啲内疚，因为见到佢真系花好多时间同心机，我自己都要练多啲琴。”