黄祥兴首次拍ViuTV剧自觉戏份多　唔望高薪酬：有工开已经好好

现年45岁的黄祥兴自从与无线结束18年宾主关系，已经回复自由身自己接工作，他今日（22日）出席《奥运第一台》启播探班活动，他接受《香港01》 访问表示：“其实可以话系唔同类型嘅工作，之前跟公司𠮶个台（TVB）嘅工作，现在喺唔同嘅台都有嘢做，好似今次港台《奥运第一台》会更加多少少发挥，可能因为法国嘅文化，我喺𠮶度居住咁耐，所以最啱用。”

首次拍ViuTV剧自觉戏份多

提到第一次拍摄ViuTV原创剧《数字人生》，表示：“系第一次拍，所以都好期待，会有唔同嘅面孔，作为演员同唔同嘅人合作拍摄系有得着。”讲到这一套剧集会有很多TVB前艺人参与，他坦言：“有之前好早都离开咗TVB，能够同佢哋一齐合作返都几开心，几个兄弟比较男人啲嘅戏，比较熟个气氛更加亲切。”他笑言这一套电视剧并没有感情线。谈及工作时数，他说：“好开心公司都畀咗好多机会，因为好多嘢讲嘅，同埋戏份都比较重，而我都好似好耐冇拍剧都要少少时间去投入，摆咗好多心机，例如广东话好咗好多，上镜都比之前自然啲。”

唔望拍剧高薪酬

被问到其他的工作安排，他说：“拍剧同埋拍电影，做演员希望继续呢个嘅曝光率，除咗接广告开心，但系都要曝光吓拍吓电影，都需要一个平台去曝光。”他透露即将有新电影拍摄工作，不过详情未方便透露。至于收入方面，他坦言：“有工开已经好好，暂时就唔好望咁高酬劳先，最紧要有得拍有得发挥。”被问到主持方面，同样获得许多机会，会否有六位数字收入，他笑言：“冇咁多。我都想啊！”