“晶女郎”文凯玲41岁产女成高龄产妇　忆突发剖腹开刀犹有余悸

41岁“晶女郎”文凯玲（Connie）与拍拖五年的圈外男友Jason今年3月结婚，当时双喜临门，7月初上载同老公一齐捧住BB手仔的照片，宣布囡囡IYLA平安出世！原来IYLA比预期早出世，当时更颇为惊险：“当晚觉得BB比平时郁动少咗好多，就去咗急症室，点知医生同我讲要即刻开刀😳”

“晶女郎”文凯玲满身金器星级酒店贵气出嫁　手上巨钻婚戒劲养眼

Connie：“本来预产期系七月尾，但系BB已经出咗世个半月，经历完一段手忙脚乱嘅时期，终于有时间静静地写一篇长文同大家分享。当晚觉得BB比平时郁动少咗好多，就去咗急症室，谂住确认一下BB冇问题就可以安心瞓觉，结果直接住院做咗一连串检查，成晚冇瞓之后医生就同我讲要即刻开刀😳准备开刀嘅时候，真系好惊好担心，幻想咗好多可能会出现嘅问题同情况🥺 好在BB好健康，出世嘅时候仲喊得好大声！”

突如其来提早生产，令Connie手足无措：“喺医院嘅时候大部份妈妈隔离都有BB，而我只有自己一个，一到夜晚嘅时候感觉特别失落😭。到我可以出院嘅时候，BB仲要继续留喺医院，明明生完但系冇得带BB返屋企感觉好奇怪，之后一段时间我有时都会以为BB仲喺我个肚里面🥺计划之中嘅坐月系我会乖乖地留喺屋企养好身体，因为BB早咗出世，啱啱搬完屋箱都未拆，BB啲嘢都未准备，所以变咗每日忙住执屋、买嘢同埋泵奶再拎去医院睇BB。”现时IYLA已回家，因为喂人奶，而IYLA晚上特别活跃，所以Connie未有足够休息及保养自己身体，暂时只会接D简单工作希望陪囡囡成长。