袁伟豪自爆陪产虾碌事　张宝儿一日食六餐：觉得自己冇咗条腰

袁伟豪和老婆张宝儿近日作客由虾头（杨诗敏）及连诗雅（Shiga）主持的的网台节目《丝打围佬》，大谈凑B心得，以及分享为人父和人母的喜悦。提到有关夫妻分工的问题，袁伟豪大方表示：“其实我哋分工分得好清楚，当一个人行出嚟讲嘢嘅时候，另外一个人就会退后，你讲我唔讲，需要有呢个默契。”他指在凑B方面自己主要负责陪玩。

连诗雅望B女与袁伟豪B仔对亲家

连诗雅透露自己陀B女Camila，并在节目向袁伟豪夫妇提出“对亲家”，她表示：“女儿我已经帮你决定咗，我想对亲家，已经喺度相亲啦！”张宝儿笑说：“早知我带埋个仔（袁咕碌）。”连诗雅透露女儿应该与对方的孩子年纪只是相差几个月，一度笑言：“现在可以做定玩伴先，等佢哋青梅竹马，大个就自行发展。”

谈及B仔出世的时刻，袁伟豪表示：“呢一刻我都成日会回味宝儿生产𠮶一日，我有啲摄影机拍摄纪录，所以𠮶段影片摆咗喺我个IG帐户𠮶度，我成日都会拎出嚟睇。”他指老婆生产当天其实自己非常繁忙，并表示：“好惊啲片影唔到，同埋要做足安全措施戴头套。入到产房陪住老婆，医生话麻醉药开始生效，可以入去陪老婆准备。医生拉起块布，得我同佢喺块布后面，我以为自己录紧，但调校错咗50格慢镜嘅模式，然后仲要收唔到声，结果段片全部都系冇声。”

张宝儿产后靠做普拉提同断食修身

张宝儿大谈怀孕期间的变化，她表示：“当时我怀孕期间腰比较薄，所以一怀孕后腰已经厚咗好多，我问过啲朋友可能因为系怀孕，身体就自然会有脂肪，令我陀稳BB，我觉得自己冇咗条腰。”至于修身的秘诀，她说：“生完之后有一段时间要喂奶，喂奶都会烧咗好多脂肪，同埋你落力去凑BB，再加埋因为唔够瞓，就自然会瘦，瘦到有一个时期55公斤，都维持咗两三个月。之后我就靠做普拉提，同埋有少少断食。”她笑言最大原因是坐月吃得太丰富，才导致肥胖，并透露：“𠮶阵通常一日都食六餐，比正常人多。”

陈家乐胶改阿女乳名

连诗雅透露曾与老公陈家乐积极讨论自己的B女乳名的问题，她说：“其实我哋有一齐谂过一个，我老公就想叫B女陈设，因为老公拍节目嘅时候，佢话想叫自己嘅小朋友有陈设，英文叫DECO。老公就系觉得好有型，但系千祈唔好，我已经推翻。”她最后与老公决定B女乳名叫“陈宝宝”。