江嘉敏被指骑劫罗子溢访问兼发花痴　赞医生造型靓仔：有啲幻想

江嘉敏今日（19日）以低胸装出席医疗剪彩揭幕活动，成为媒体抢拍焦点。她在接受《香港01》 访问时表示：“今日系喜庆日子嚟剪彩，所以靓住咁样出席。”她透露刻意配合主题挑选蓝色长裙，并表示：“我连续两日拍剧集都冇乜点食嘢，就系惊着唔落条裙。”

提到早前受访被指公然对罗子溢发花痴合照，她说：“其实呢个系美丽嘅误会，事缘其实𠮶日朝头早已经做咗一次访问，无端端下午我哋公司记者朋友（邓凯文）话要我帮忙又做多次访问，冇乜点样刻意彩排过，同埋前日净系瞓咗一个钟。跟住访问罗子溢嘅时候，邓凯文捉住咗我，搞到我好似骑劫咗个访问，跟住成个访问我就好尴尬，唔知我要做啲咩。”她澄清邓凯文误会她喜欢罗子溢，并表示：“我有同佢哋讲我细个系有睇《On Call 36小时》，觉得做医生好靓仔，通常读紧书嘅小妹妹都对做医生嘅角色有啲幻想，我系咁样嘅解释啫，咁佢就误会咗系咪暗恋罗子溢。”

至于罗子溢的表情相当尴尬，她说：“我谂佢都唔知发生咩事，我哋两个访问都唔知道有啲乜嘢要做，所以比较尴尬啲。”被问到会否嬲邓凯文乱讲嘢，她笑言：“咁又冇，佢误会咗我意思啫！我又唔好意思喺罗子溢再讲细个读书好钟意你好尴尬，我有同返佢讲细个系有睇《On Call 36小时》，好钟意你做医生。”讲到是否也很喜欢大只仔，她说：“我谂细个读书都好钟意睇靓仔。（现阶段的择偶条件？）我唔谂啦！缘份要到就到㗎啦！我现在还是努力工作先！”

提到被指身材再度发胀，而且竟撞样古佩玲，江嘉敏表示：“再度发福边度先？系咩再度发胀，咁我再努力啲。咁我自己又唔觉得似（古佩玲），啲网民话似个靓女我都开心。”至于现阶段的体重，她回答：“年龄同埋女人嘅体重系女人嘅秘密，真系要知？”