方力申感谢特首李家超关注泳总制度　大赞政府：都拨咗好多资源

撰文： 张祖铭
出版：更新：

方力申今日（17日）出席《2024巴黎奥运尽在TVB》记者会。作为前港队泳手的方力申较早前炮轰泳总制度不公，引发全城关注，他接受访问表示：“阵间做完呢个活动就要去奥运大楼，霍启刚主导咗一个会议，有佢参与，有港协嘅代表，泳总代表同埋何敬康做一个嘅会面。”被问到希望透过这个会议表达的事，他说：“我希望为咗培育更多游泳上面嘅人才，小朋友嘅发展，最希望嘅就系年轻人应该成绩达标就可以去参加锦标赛，唔应该系因为佢哋嘅属会嘅级别而抹煞佢哋参赛嘅权利。”

方力申感谢社会各界关注泳总制度问题。（张祖铭摄）

讲到提出两大诉求，分别是争取让所有竞赛属会泳手都可参加锦标赛，以及泳总属会制度“透明啲”、设立可升可降机制，他直言：“我最想嘅当然系开放比所有达标嘅运动员都可以参加锦标赛，咁亦都系包含咗任何嘅属会，当然包括我哋最低竞赛属会嘅所有嘅运动员，因为本身听到嘅消息系以个人名义，同埋放宽一次，之后又要再申请。我好担心到时系咪真系咁样，连唔识运动嘅人都睇到唔公平嘅制度，希望今日开会出嚟嘅结果系更加正面。”

方力申希望竞赛属会的运动员只要达标都能够参加锦标赛。（张祖铭摄）

他继续指希望竞赛属会的运动员只要达标都能够参加锦标赛，并表示：“但系唔计分，呢个系第一样嘢。我相信泳总都需要时间去研究，去处理同埋投票，之后有啲乜嘢我会同何议员同埋佢团队都做咗一份意见书，都有好几点，头先我讲𠮶一点。同埋有可升可降机制，个时间表点样去评核，同埋讲资源分配，现在好多泳池都没有救生员，如果啲属会本身系有教练拯溺牌或者救生牌就系咪可以当系救生员就可以用，因为属会本身啲人系搞训练，唔系唔识游水嘅，都会提出呢一啲嘅意见，系咪有个制度可以减少僵尸会，都有一系列嘅意见可以表达。”

方力申透露今天下午前往奥运大楼，参与霍启刚主导的会议，以及与港协及泳总代表会面表达两大诉求。（张祖铭摄）

提到有否留意特首李家超相关回应的评论，他表示：“当然都好开心政府嘅关注，特首都有首度去回应，运动喺香港都越嚟越普及，同埋受欢迎，我哋香港运动员嘅成绩都越嚟越好，争取咗更多嘅资源，政府都拨咗好多资源嘅时候，如果有总会制度上边可以优化嘅地方，到最后受惠都系市民都可以睇到更多出色嘅运动员，运动员都有更多嘅出路为港争光，好多谢得到政府嘅关注！”

方力申与黄翠如、郑衍峰于电视城出席《2024巴黎奥运尽在TVB》记者会。（张祖铭摄）

至于最想多谢那一个单位，他直言：“我觉得言之尚早，始终都未开会。多谢社会嘅关注，社会各界人士市民咁热烈嘅讨论，如果冇佢哋都唔会有咁大嘅回响，有传媒嘅报道令到政府会睇到，令到特首有回应，我觉得今次大家都系做咗一件好事，大家唔系喺度搞事去抹黑人哋，影响人哋嘅属会，大家都希望可以培育年轻一代嘅运动员去争取更公平嘅平台去比赛。”