丁子朗第一次以歌手身份上音乐节目　吴若希：似畀人吓亲嘅小奶狗

丁子朗去年参加了TVB与内地合办的选秀节目《亚洲超星团》后，学到不少技能，除了跳舞外，亦学习了唱歌。昨日（14日）他第一次以歌手身份上音乐节目《J Music》，与嘉宾吴若希“jam歌”。

丁子朗一开始为大家带来《野孩子》一曲，唱完就与主持人兼好兄弟冼靖峰及黄洛妍聊天，他被问到心情时则表示十分紧张：“好紧张啊，所以我今日特登衬咗件衫，我觉得唔唱得都睇得！其实我都好震惊，监制邀请我上嚟唱歌㖞，我心谂，咁大胆？比我仲大胆，但系听到有jinny做嘉宾，我就觉得好开心，同你一齐jam吓歌咁，轻松吓。”吴若希亦表示十分期待，她说到自从丁子朗参加了《亚洲超星团》后，一直都很想跟他一起唱歌，因为很想知道他到底进步了多少。

吴若希对于丁子朗的表现觉得很惊喜：“同你平时做MC嘅时候，有一份自信企咗喺度，但头先我觉得你系一只畀人吓亲嘅小奶狗。”丁子朗说以前去吴若希家吃饭时，不会聊到唱歌的部分，但他现在就可以跟她聊音乐，聊唱歌老师教过什么。

冼靖峰亦为他讲好说话：“真嘅，我哋喺内地嘅时候一齐training，我见住佢好畀心机，由头去练发声啊，咬字啊，今日真系见到，我觉得好替你开心嘅。”丁子朗更透露“原来自己好钟意唱歌”，他表示之前与余宗遥有个合作：“嚟紧都会同佢有啲唔同嘅crossover，希望嚟紧真系有首歌同大家见面！”

丁子朗更说第一个要给好兄弟冼靖峰听，黄洛妍则问：“咁我呢？”丁子朗就说：“你第二个啦！”被遗忘的吴若希则出声说：“有冇留意仲有一个人喺度？佢第一个，佢第二个，咁我呢？”丁子朗立即“补飞”说：“你听Demo（试唱）！”除了谁是先后外，冼靖峰在cue他们合唱时，亦被丁子朗及吴若希“欺负”，冼靖峰说：“畀人恰啊主持。”他们几人果然十分够老友，才能这样开玩笑。