吴若希老公Alex准备跪键盘　强调尊重老婆︰有时放低不一定软弱

吴若希（Jinny）质疑老公何兆鸿（Alex） 偷食女同事，今日（9日）上载多张对话截图，并指Alex“好积极咁话要车同事返工，俾我话完后，好有骨气地讲连车都唔揸搭地铁”，之后在IG贴出自己的新歌《空白》录音，留言：“散聚有时 爱恨有时 发梦到此世界来到尽处”， Jinny以录音方式回复《香港01》时，不难感受其火气：“我都冇闹过佢，我点会怪责佢，好正常吖，人之常情，唔车个仔返学车条女返工好正常。个个老窦都咁做，个个老公都咁做。呢啲咁简单嘅嘢，佢边度有错啫？佢唔会错㗎，我唔会怪佢呀！”

而勤力返工嘅何生，其后亦作出以下回应：“不是消失5个钟，因为我太清楚我太太同我自己嘅性格，更何况我要工作，工作之余亦都可以畀自己一些时间去思考点样氹太太，夫妻无论争吵几劲都好，作为佢老公，佢的终生伴侣，明知道佢系一个凸嘅人，所以我会选择去做凹𠮶个。去慢慢思考应该去讲啲咩嘢、去做啲咩嘢去令佢开心番。有时放低不一定软弱，只系尊重老婆，尊重屋企。”问到准备好今晚返屋企跪玻璃未，何生就话：“咁又唔驶，我老婆好好嘅，可能1-2个钟就唔记得发生咩事，就算记得都系跪键盘啫。”