吴若希回应公审老公送女员工返工　句句有骨：佢边有错，佢唔会错

吴若希（Jinny）与老公何兆鸿（Alex）结婚多年，她不满老公近日忽然很积极车女同事返工，将对话截图放上网公审，闹爆：“你趷起条尾，都已经知你会做咩㗎！”

吴若希老公管接送女员工　第n次公审：趷起条尾就知你做咩啦

Jinny公开跟老公的对话，寸爆老公：“好X Sweet呀，仲可以同人一齐搭地铁返工！”老公Alex解释只是要对方签MPF，又说：“我真系做嘢，我之前几年做垃圾做唔到嘢又闹，我而家做正经嘢都闹。”Jinny说：“真系好大嘅原因呀，叫佢签MPF，就要车人返工，又要陪人搭地铁，好X Sweet呀，你唔好俾人影X到呀！”又反问：“我自己都有公司，都有帮人哋供MPF，我依家先知原来MPF需要老板亲自攞文件畀员工签。男人呢～就好得意嘅，身有屎𠮶阵呢，就会话自己已经好多嘢烦，怪番女人唔体谅佢！”

她与老公一轮争吵后，Jinny罕有发多篇限时动态，每句都有骨，她又说：“讲埋今次，之后大家喺条街度见到佢同第二条女一齐，唔好大惊小怪，因为佢都系做嘢啫😇😇”

吴若希公审完老公后，于IG贴出自己的新歌《空白》录音，留言：“散聚有时 爱恨有时 发梦到此世界来到尽处”但就叫大家不叫过份解读。《01娱乐》下午再联络Jinny，她似乎仍未下火，以录音回复，语气继续单打老公说：“我都冇闹过佢，我点会怪责佢，好正常吖，人之常情，唔车个仔返学车条女返工好正常。个个老窦都咁做，个个老公都咁做。呢啲咁简单嘅嘢，佢边度有错啫？佢唔会错㗎，我唔会怪佢呀！”