梁思浩爆郭秀云被传媒呃去拍裸照 当事人独家回应：猛叫我抆低啲
撰文： 黄梓恒
出版：更新：
梁思浩最近在网上不停爆出花生，早前他讲到港姐条款时，指因为多年来发生了很多不同类种的事情，因此在合约上愈来愈多条款。梁思浩讲到，每年的港姐参赛者都被指令不能私下跟传媒约采访，因为郭秀云参选的一年，被传媒骗了出去影相，结果被拍了“裸照”，因为该传媒拿了一件非常透明的衫给她著，梁思浩指是两点尽露，所以港姐参赛者才会有保姆跟住。
不过其中梁思浩都搞错了，郭秀云当年并没有选过港姐，她是华姐出身的，而被骗去拍“裸照”一事便是发生在选美之后。郭秀云在接受《香港01》访问时表示：“而家我都50几岁，以前细个发生咩我都唔怕讲。𠮶时细个啱啱选完美出嚟，个记者哄我出嚟影相，佢话无线啲保姆好烦，你唔好叫佢哋，你叫佢哋嘅话可能我哋都唔想影，摄影师好怕佢哋，你自己嚟喇，我哋又唔会有咩嘢对你唔好。咁我就听话去喇，觉得冇乜问题。”
当时80年代，流行punk的感觉，郭秀云忆起自己当时曲发，然后有穿上黑丝袜、打横一块布的Tube Top等等服装，她指：“一路影我觉得奇怪，佢猛叫我抆低啲抆低啲，我话唔得，再低啲唔得，我系咁抆返高，佢又抆低我。其实我知道影唔到真正有咩见到，不过佢影𠮶时做咗手脚，系有一边胸部好似画咗啲颜色，好似见到少少个乳头。不过其实最惨佢用𠮶个颜色同我本身系唔同，我又冇理由，点可以企出嚟去指证呢？今日今日嘅我，根本唔会发生，就算系，今时今日我会企出嚟，我唔怕指证。不过以前我惊，我唔识，所以出咗咁嘅封面我喊咗成个星期，以后学会要小心。”