丝打围炉︱谢霆锋亲身上阵拍动作戏　劲危险：嘢撞埋嚟系会死

谢霆锋、卫诗雅和关智斌昨晚（5/7）现身网上节目《丝打围炉》与主持人杨诗敏（虾头）和练美娟（娟姐）大谈新电影《海关战线》拍摄点滴。关智斌透露这次电影由谢霆锋担任动作指导，他表示：“好彩平时有做啲运动，因为霆锋做动作指导，好多我哋真系硬桥硬马做，平时我哋睇𠮶啲嘢好似好简单，例如爬上船，其实要用好多核心肌群嚟发力。”他忆述最难忘的一幕：“啲枪声好似系你耳仔侧边咁样。”

卫诗雅自爆拍摄趣事

卫诗雅透露拍摄最深刻难忘的一幕是掟手榴弹，她说：“我好深刻拍嘅时候，大概件事系会掟个手榴弹过嚟，跟住我会嗌就匿埋。我又唔识手榴弹英文叫咩，系咪叫Grenade。佢本身叫我嗌Grenade，拍完𠮶个take我都唔系明点解，跟住我就问佢哋关𠮶个Grenade咩事，我以为系个人，我就问点解要救Grenade，佢系边个？佢哋话原来Grenade系一个手榴弹，我真系觉得我唔系好适合拍呢啲！”

谢霆锋坚持亲身上阵拍动作戏

被问到拍摄最困难的地方，谢霆锋说：“最难系要分身，好多时我做紧动作，又分唔到身同其他演员一齐去分享，其实因为危险，头先讲爆破𠮶啲，我坚持我哋今次炸嘅，撞嘅啲船有咁重，每一个货柜起码7000几磅起，我哋系用真嘢！所以平时就算跌落张台或者被玻璃鎅亲都系损，我哋呢啲嘢撞埋嚟系会死，因为呢啲嘢太重。”

关智斌踢爆谢霆锋健身习惯

提到是否需要要花大量时间去锻炼身体，谢霆锋表示：“我唔系特登去练嚟投入角色，系因为我知道今次所有嘅动作我要求唔用特技效果，我哋爆系真爆，撞系真撞，高空跌落嚟都系自己，呢啲好容易受伤，我系想练得身材好啲冇咁大机会受伤，练完两个月之后点知又疫情，反而多咗时间再身材锻炼得好咗！”他指当时导演事前并没有透露有除衫的戏份，并表示：“无啦啦！有一日佢话阵间𠮶一场戏你要除衫，可能佢都见到（我嘅肌肉）我谂嘅我唔知，总之就好自然咁拍咗。”他透露拍摄期间都不敢进食，并笑言：“干身为主，饮水都唔可以多，漱口然后吐返出嚟！”关智斌踢爆谢霆锋健身习惯，他说：“佢仲要有个哑铃喺个车度，一得闲唔使埋位，佢就拎起举。”

娟姐大胆在节目向谢霆锋提问“你系咪M底？”，他笑答：“可能系㗎，因为我觉得动作电影系要有𠮶个感觉，其实你嘅表情争好远，如果你喺绿幕景面前做，同埋你喺隔篱放一个炸弹，佢哋知惊。”