乐易玲“忘本论”掀风雨 詹天文吁勿乱猜测：佢冇对住Gigi讲

“声梦小花”詹天文（Windy）和钟柔美（Yumi）早前出席了《音乐出没 Let’s play together》的演唱会加场发布会，获无线高层乐易玲到场支持，并在致辞时语重心长吁三小花“不要忘本”，被指疑似暗寸近期盛传离巢的炎明熹，“忘本论”惹起全城热议。

昨日（5/7）Windy现身中环出席时装骚活动就乐小姐“忘本论”解画，接受《香港01》访问时说：“其实当时听到乐小姐咁讲，我系冇谂过咁多嘢，反而觉得系一个正常嘢，就系不论做咩嘢就系唔好忘本，同埋唔好忘记个初心。我觉得乐小姐系用正常嘅语气讲出嚟，我系冇谂太多嘢。（乐小姐讲完忘本论你敢唔敢离巢？）又唔好咁讲，因为合约我仲有一段时间，如果到时真系有一啲原因，需要去做其他嘢嘅时候，我就觉得不忘初心同感恩嘅心，一定要长存落去。唔好因为离开咗间公司而唔去感恩一个俾机会你嘅人啰，咁所以我系唔会忘记一开始佢哋畀我嘅嘢。（忘本论为Gigi造成压力唔敢离巢？）我觉得乐小姐只系纯粹讲咗呢几句说话，佢系冇对住Gigi讲，咁所以我就觉系大家自己喺度猜测。”