瞩目配角｜程可为最癫一晚开4套剧　做到内分泌失调：右眼突出嚟

现年72岁的资深演员程可为1972年入行，曾在《民间传奇》的单元中任女主角，后期因常获指派演妈妈或长辈角色，收获“TVB御用阿妈”之称。程可为在访谈中常强调要敬业乐业，年轻时程可为听阿妈话不做空姐，投考艺训班，一做演员便是52年，即使期间一度转行做地产经纪也是博命做，人生贯彻“做好呢份工”宗旨，绝对是打工仔典范。

摄影录制：叶志明
后期剪接：叶思雅
场地：何兰正（Ho Lan Jeng）

曾为TVB力捧花旦

程可为中五毕业后，曾打算投考空姐，在妈妈反对下决定报考TVB艺训班，与甘国亮、许绍雄等人做同学。1970年曾受公司力捧，在1975年电视剧《乘风破浪》任要角为人留下印象。

加拿大转行做地产经纪

1984年程可为移民温哥华，她曾打算顶下唐人街鱼档做小生意糊口，“我落唐人街饮茶，隔篱有几间鱼档、肉档，事头婆同我倾偈做得太攰唔想做，年纪又大咗，问我有冇兴趣。因为我每日都去饮茶，我就留心佢生意额会唔会唔好，所以转让。又唔系㖞，又几好生意㖞！所以我就同阿妈讲，不如同事头婆顶咗个鱼档，咁见佢生意都咁好，都有收入，唔需要点忧虑。我阿妈话梗系唔好啦，你都唔熟𠮶行，唔熟嘅工作去做呢，自己蚀底呀！”

带夏雨睇40几间屋：佢话我发钱寒

后来程可为始终认为从物业赚钱较稳阵，转行做地产经纪。程可为返工极博命，要做就专心做到一百分，半夜带客人睇楼被上司责骂，晚上睇楼在屋外被雪跣亲留下伤患也在所不惜，而最出名是带夏雨睇足40几间屋，“佢话我发钱寒呀！点解你会咁嘅啫，大家都系同事，使唔使睇咁多呀？我话梗系要啦，就系因为大家关系系同事，我哋由后生识到而家老啦，我唔可以做出一啲嘢呢，系你唔满意嘅，俾你睇到够、拣到够啦，认为我都唔系懒惰呀，不过揾唔到你适合嘅，我冇办法，我尽晒力啦！”程可为走“法律罅”同夏雨商量后再睇楼，对夏雨家人百般照顾，成功开单是意料中事，“佢梗系买咗。买咗不特只，后尾觉得买完之后个市继续升，仲可以赚到，就再去转一间更加好条件嘅屋。”

最癫一晚开4个厂：做到眼“凸”

1996年香港经济发展篷勃，反之加拿大楼市淡静，程可为笑言“桐油埕始终装桐油”，决定回流香港继续拍戏，一留便是二十多年。程可为称最疯狂试过“一晚4个厂有我份”，做到患上甲状腺病，一只眼“凸”出。

早年拍《宫心计》演技大爆发，戏中她演被赶出宫的尚宫，尽显老戏骨实力演技，“一开始就拍呢一场，捉我返去公司后面场地，宫殿城门后面。𠮶时啱啱阴天，少少微雨，我又唔知剧本讲乜，我净系知呢一场我俾皇后赶出去，唔俾我留喺宫廷，呢一场就系离开宫廷走啦，就系讲呢几个字。咁我谂吓，点样可以融入呢个角色呢？我就当TVB赶我走啦！由入去训练班，到我退休要离开TVB，入面同事之间感情，都足够让你难过。”最后程可为“一Take过”完成该场口，令人佩服。热爱工作的程可为最疯狂试过一晚开4个厂，“𠮶阵时试过眼都凸出嚟，因为我内分泌失调，可能系压力，自己畀嘅，太辛苦。”

TVB转一年一骚：好似离婚咁

三年前TVB称支出太大无法负荷，要求由包薪制转一年一骚约，程可为从公司走到停车场期间独自垂泪，“讲完之后好难过，真系喊㖞，喊得几凄凉，好似离婚咁㖞，以后冇人畀家用你。”程可为家后先调整心情，“冲我个凉、食我嘅饭，开心完一轮先”。翌日晚上她躺在床上思考，体谅公司困境，又承认年纪大不如后生女，再考虑到曝光率及自由度，决定照签约，“你成日都唔出嚟见观众，观众就唔记得你㗎啦！”她又思忖：“点解唔可以借TVB呢个平台过表演欲，又可以作宣传，你就咁同TVB卖广告要几钱啊？”转一年一骚均是与程可为同辈份的年长艺人，她不觉委屈：“你情我愿啫！你觉得适合咪签，唔适合咪唔好签。”

曾被入屋行劫：从来冇谂过报警

程可为向来为人设想，连被贼人入屋打劫都会思考对方处境。她忆述：“佢闹我点解返嚟唔瞓觉，累佢喺天棚上面等咗咁耐先至落得嚟；又话揾唔到我嘅荷包。我话我唔知你嚟，唔系我咪早啲瞓啰！”

即使被打劫了7万元，程可为丝毫没有想过要报警，“我仲教人哋，你攞咗我啲钱唔好乱咁花。对方仲要话俾我听，佢有屋企，有4个细路，仲有父母，喺好穷好远嘅乡下。我就叫佢：‘攞咗我笔钱，返去起间屋，俾你屋企人住，起码有个窦口，有个安乐窝。因为你知你啦，你做呢份工好易俾人捉到，捉到之后如果你连屋企都冇得俾家人住，佢哋好惨㗎！’所以个贼就话我好想再同你倾吓偈，我话唔得啦，你快啲走啦。”程可为认为：“佢梗系穷，冇能力，先有呢种贪念，何必要人哋空手而回呢？”