【食花生】吴彦祖拍美国灾难片做闲角　不如改睇佢套美剧啦

昨晚跟朋友吃晚饭时，提到近来的电影时有人就开始抱怨，近来的电影是新酒旧瓶，题材重复不特止、演员又经常重复、更过份的是剧情也重复。电影院播放的永远是英雄片，灾难片，爱情片。系啦，电影永远都系呢啲题材，而观众永远都会买飞入场。另外，大家又会因为吖边个边个香港演员有份演套戏而俾𠮶100蚊入场。

要数拍过荷理活片嘅香港演员，其实10只手指数得晒，除咗外国人最爱嘅Jacky Chan之外，仲有Angelababy、宇宙最强丹爷、洪金宝、发哥、杨紫琼、刘家辉。近期仲多咗个吴彦祖。
其实之前《魔兽争霸：战雄崛起》饰演兽人巫师古尔丹已经表现得好好，可惜在见唔到个靓仔样。近期吴彦祖有份拍的荷理活片《Geostorm》(释名：《人造天劫》)终于唔使再化妆加CG先出镜，再加上有旺角景睇下就very good啦。
讲返套戏其实又系灾难片，其实同之前嘅《惊涛骇浪》、《2012末日预言》、《绝世天劫》相差无几。讲嘅都系天灾加人祸然后一个主角救世界跟住Happy Ending。《人造天劫》套戏就未上嘅，所以宜家评套戏唔好睇呢，就过份咗少少。不过净系入场睇下《战狼300》个主角谢拉毕拿同香港男神吴彦祖都吸引嘅。

话时话，吴彦祖主演套美剧《荒原》就好得多，有未来感得嚟又有武打场面，仲要一次打十几个，动作场面又唯美，套剧仲有冯德伦做动作导演㗎。相比起电影呢啲大制作，套剧真系好睇好多。而睇完《人造天劫》个预告片之后，我都系决定留返啲时间同朋友食多餐饭算数。