梁思浩评《十大中文金曲》唔好睇原因　竟关《中年好声音》要员事

梁思浩主持的网台节目《娱乐好好玩》，近日请来好友吴家乐做嘉宾，二人除了谈及炎明熹疑似离巢一事，亦花了很长时间讨论《第45届十大中文金曲音乐盛典》。曾任港台DJ多年的梁思浩，他认为颁奖礼风格突变，而且多位歌手缺席，并剖析出是一位关键人物已离职，因此冇号召力叫歌手到场。

吴家乐指自己很喜欢睇乐坛颁奖礼，当晚亦睇足全场，但确实失望。梁思浩就以前港台DJ身份讲到，有一位《十大中文金曲》策划人两年前离巢后，颁奖礼就失色不少，而这位要员近年卸下公务员身份后，频频在TVB亮相，他便是周国丰。

周国丰曾是港台助理广播处长，梁思浩大赞为何周国丰如此重要，指很多重量级歌手肯现身都是因为畀面他，又说：“《中年好声音》评判周国丰，佢做咗《十大中文金曲》好多年嘅策划，电话簿好厉害，有时同事开会，话唱片公司话边个歌手未必嚟，佢自己打电话，真系自己打，黎生（黎明）听到佢电话都话得得得，冇奖都嚟，我识咗佢好多年，佢为《十大中文金曲》出咗好多力，张国荣、罗文、甄妮、徐小凤，全部都嚟，就系因为睇住佢，呢啲就系我哋喺呢行讲嘅关系。”他说以往做港台即是公务员身份，要上电视是要申请，所以推测他是退休了、离任公务员才可以上无线做《中年好声音》。

接下来梁思浩又说，自己以往曾在电视直接寸郑秀文不出席，他说：“有一年我直情喺电视面前讲‘郑秀文，点解你唔嚟呀？”你背负住电台，郑秀文你唔好话畀我听一定冇奖呀，《不要惊动爱情》，我拎住个奖，就话‘郑秀文你个奖喺我手喇，你想我送嚟你屋企定系你上嚟攞？”

讲到请韩国性感女神DJ Soda到场打碟，吴家乐认为风格跟过往很不同，梁思浩就说，DJ Soda上次去“2023香港国际七人榄球赛”打碟，的确风靡好多人，推测港台想年青化，但效果却未如理想，他表示：“高不成低不就，年青人又嫌弃，年纪大𠮶啲资深啲嘅观众又觉得冇嘢睇。歌星唔卖账，最主要原因都系周国丰，过往电台唔系太多人能够做到佢呢个岗位，同各大唱片公司关系好。”

他说这一行有很多像何丽全一样的人，低调但人脉好，识得氹艺人出席大骚，他解释：“何丽全开声，有边个唔肯嚟？就系佢亲自打电话，呢行有好多好低调，但系同大家关系好好嘅人，会同你讲‘人大个咗，有啲咩咪抹咗佢。’你要俾个落台阶人。”他认为港台要养返一个像周国丰那样的“Key point人物”，提到姜涛、卢瀚霆缺席，若周国丰仍在，以他的地位打畀花姐（黄慧君）都叫得郁二人。梁思浩又指近来马浚伟进驻商台后，宣布新城颁奖礼会大改革，他亦相当期待。

此外，他们又讲起JW将歌词抄在手掌做“猫纸”一事，吴家乐不讳言：“唱半只自己歌，都睇咗七次手掌猫纸，作为艺人，我觉得真系好侮辱自己身份。”梁思浩亦和应，指80岁的叶振棠刚刚开完三个钟演唱会，完全唔使睇歌词，他说：“点解前辈可以记晒？佢哋觉得呢个系佢必须，我哋做司仪可唔可以话唔记得稿？梗系唔得啦。”梁思浩说自己做司仪完全冇猫纸，又重提曾志伟一番话：“志伟话好憎睇电视任何人喺电视机入面揸住𠮶叠卡，话我见到就憎㗎喇，你咁多年见我喺电视机有冇攞住叠嘢？”