炎明熹传不续约首露面　TVB唔派记者采访露端倪：听公司安排

炎明熹（Gigi） 最近传不续约无线而被雪藏，就连上星期举行的十大中文金曲也缺席，消息一出她亦有亲手写三页纸信安抚粉丝情绪。炎明熹今日（29日）于马鞍山商场出席活动，连续唱出两首歌曲《Little Magic》及《还有一艘救生舱》，现场吸引接近三百名“Gi炎粉”举起应援牌呐喊，人气依然强劲！她接受访问回应报道指不续约无线一事，她说：“有报道指就应该唔系事实，唔系事实，我又唔知道点样答，不过我最希望同Fans见面多啲时间，确实唔系真系日日可以见到佢哋，佢哋好爱锡我，所以希望大家可以放心我OK嘅。我今日嚟到见到大家都好开心。”她透露与公司还有一段很长时间的合约，并表示：“希望大家唔好咁担心我OK！”

至于缺席参与十大中文金曲的原因，她说：“我都好遗憾参加唔到，我都好希望下次如果参加到嘅话都可以有能力上台多谢大家，好多谢帮我做音乐嘅音乐人，我都好想上台同同DJ讲好多谢颁发呢一个十优歌手俾我。”

谈及为何删除亲手写三页纸信予后援会会员的信件，她表示：“我冇delete到，其实呢个手写信原意系希望可以同我嘅Fans交代，最担心就系锡我嘅人会唔开心，所以我用手写信写低咗，本身我有谂过要唔要录音，录音就好似好敷衍，但我觉得手写信可以令大家心情再平静啲，大家可以睇好多次，有心意啲。”她继续指这封信件主要是交给粉丝后援转发，并表示：“可能有啲Fans觉得我send咗出去，大家觉得唔系几好就delete咗。”

讲到TVB并没有派采访记者来到现场访问，她表示：“其实我工作通常都系听公司安排，每一件工作其实我都知道可以同大家见面就OK，大家就唔使咁担心！”被问到未来的工作安排，她回应：“希望大家见到我就多多支持我。”至于相隔一段时间没有公开露面的原因，她坦言：“都系顺其自然，公司安排啲乜嘢就乜嘢，好正常，同经理人已经有一啲私人嘅活动可以同大家见，其实自己就一直工作紧。”至于最近的传言有否影响自己的情绪，她说：“我觉得太多人可以表达自己嘅谂法，其实系一个非常之好嘅事情，我自己都有自己嘅事去做，我就去做返自己本分，呢个就系讨论嘅状况冇乜特别。”

被问到最近前辈甄妮曾发文怒轰TVB疑为炎明熹出头，她坦言有留意过这个消息，并表示：“我有睇过呢个post，但系我唔知道系咪讲紧我，但我都希望自己可以继续加油，努力去装备自己系一件好重要嘅事。”