香港01八周年｜洪助升考车肥两次积极补钟　自觉衰喺望镜唔够浮夸

《香港01》2016年上线至今踏入八周年，今日（28日）傍晚举行“香港01八周年庆祝酒会”，洪助升（Aiden）以一身白马王子打扮亲临到贺，又在台上作简单分享。除了音乐版外，原来Aiden喜欢看健康资讯，想不到年纪轻轻的他已十分注重养生，尤其最近天气热，他起床常常见头晕。

这位养生达人又在台上讲到，虽然他唱情歌都偏惨情，但他觉得Reels短片里的才是真实的自己，又认为自己的歌曲是中药、Reels是山楂饼，“好多人听我啲歌，第一个反应系谂返起啲唔开心嘅嘢，曾经同我讲话朝早听我嘅歌，会emo一日，令我都会谂到底我啲歌系想带出啲咩，系想大家处理一啲潜在嘅坏情绪，喺恋爱入面遇到啲唔好嘅事之后，佢哋一直郁住，喊唔系好Negative嘅嘢，我觉得系抒发咗情绪之外，我哋点样Move on。所以我啲Reels我形容为山楂饼，当你食完中药之后，睇我啲片就可以开心返。”他更表示很希望成为音乐界的中医。

Aiden早前表示六月要迎接很多新挑战，他说为了拍Reels而想多学一些技能，而最大挑战就是要学车，因为他棍波路试原来已“肥佬”两次，决定由棍波转考自动波，问到觉得失败原因是什么，Aiden说：“我觉得我唔够浮夸，望镜要夸张啲，我太耐冇揸车，揸车紧张过上台，会脚震，前排我要揸出路嘅时候有架车过紧嚟，师傅叫我刹车，我就踩咗油门，差啲发生意外，希望自己唔好做公路炸弹。”即将在8月尾再考车的他，表示自己必定会用二十分努力去补钟，因为现在连教车师傅都有点担心他。

除考车外，Aiden亦努力揾歌和健身，他说并非为了除衫畀大家睇，纯粹想拍健身Vlog，又希望多点男人味，让女孩子加分。听起来Aiden似乎好恨拍拖，他却说其实只是随缘，亦冇什么择偶条件，一切讲感觉。Aiden早前推出歌曲《你不是我的岸》，歌中的是他几年前“沉船”的感情苦况，他本身在感情上十分理性，甚少出现歌曲《你不是我的岸》中的“沉船”惨况，但反而令爸爸妈妈担心，催他快点找女朋友，他表示：“爸爸妈妈成日都好心急，问点解睇新闻冇见到你拍拖，我话真系冇拍拖呀，咪冇嘢俾人影。（以为佢哋唔会急，想你事业为重。）唔系㗎！佢哋好心急，佢哋已经买晒龙凤鈪准备定。”