林钰洧唔受绯闻影响出席乐小姐生日饭局　谭嘉仪爆对方最新状态

2024巴黎奥运即将在下月26日登场，备受全球关注。而每一届都精心炮制奥运节目的TVB，今日（27日）就举行《奥运智识玩》节目录影，其中歌手谭嘉仪（Kayee）有份参与，她在接受《香港01》访问时，对于日前与林钰洧（Denice)一同出席乐小姐（乐易玲）生日饭局，她亦有问必答，直言Denice的状态没有任何异样。

Kayee在接受《香港01》访问被问到最喜欢看奥运那一项体育运动时就表示：“其实每一次奥运我最钟意睇嘅就系女子排球。我自己中学嘅时候都好钟意打排球，虽然我呢个身高，大家都会话，吓 ！你打排球冇可能㖞？其实我自己好钟意。（点解冇朝排球员呢个方向进发呢？）因为自己知道身高唔够。”

续提到日前在游艇上为好姊妹朱智贤庆生，大晒好身材令网民赞不绝口，她就表示感谢并直言：“其实都冇话特登要骚身材嘅。因为我觉得有时出海开心影吓相都系一啲健康阳光与海滩嘅一啲相，自己都好想去留念。（夏天会唔会有更多机会晒好身材？）夏天应该会晒多啲太阳，（晒太阳都会穿泳衣㖞）其实自己冇特登话要晒啲乜嘢，自己都好钟意水上活动。”

另外，提到其日前与林钰洧、何沛珈等人为乐小姐庆生，是否一早已约好，她就表示：“佢（乐小姐）嘅朋友帮佢搞咗一个生日，所以佢朋友就邀请圈内嘅人。（有冇送礼物畀乐小姐？）乐小姐次次都非常客气，唔使送喇！因为佢觉得大家都唔好破费。”讲到林钰洧近来与富商马清扬传绯闻消息多多，问到当晚对方心情如何，有否受影响时，她就表示：“当日我哋都系普通食饭，我哋冇倾太多嘅嘢，（佢心情点？）又唔觉得佢有咩特别唔同，都同平时差唔多。”