爱回家｜杨明被点名唔受欢迎　懒理负评抱正面心态：继续做好自己

现年43岁的杨明今日（27日）出席奥运节目《奥运智识玩》录影，整个状态非常之好，与早前现身庄思敏生日会时，被网民笑指脸如死灰的模样，相差甚远。杨明在接受《香港01》访问时，更亲解残样之谜。

奥运将至，每个项目都有支持者，而问到奥运会最喜欢甚么运动时，杨明就表示：“我最主要系睇跳水、游水，因为自己都比较钟意水上活动。”还表示喜欢看排球 、篮球等比赛。

而提到他早前出席庄思敏生日饭局，样貌状态甚差，黑眼圈超重，好像很多天没有睡觉似的，被网民笑指脸如死灰，被猜测可能生活压力大又或者被女友庄思明催婚等，健康状况令人担忧，对此他就表示：“𠮶日我冇化妆，本身谂住系自己人食餐饭，冇乜点样睇个仪容。呢排个黑眼圈系大嘅都唔系第一日，𠮶日可能灯光，我睇返好似撞鬼咁。（催婚逼得太紧？）催婚呢啲嘢唔会太令到我大压力嘅，我屋企爸爸妈妈都催到唔催，（对方家人呢？）其实伯母都觉得我哋开心就得㗎啦，但我都会继续努力去畀心机啲做嘢，跟住就会畀好消息大家听。（两个对婚事有冇达成共识？）好几年前都有共识，大家都想喺工作上面冲一冲刺先。”

另外，提到其有份参演的处境剧《爱回家之开心速递》近来被网民力数四宗罪，包括核心演员相继离巢、剧情开始无聊感受不到有爱的元素、硬加入没有观众缘的演员等，对此被点名是不受欢迎一份子的杨明就表示：“其实开头都有留意网民讲嘅嘢，但系听返啲监制导演嘅回馈都颇为正面，所以唯有继续做好自己。如果喺拍戏上面嘅话我会继续努力，睇吓会唔会有一啲新嘅尝试，新嘅角色再好啲，令到观众慢慢去接受我饰演嘅角色。”