恨驾女团｜周家怡自爆曾如厕被偷拍　周国贤遭油头大叔摸大髀

周家怡和李靖筠的YouTube讲车节目《恨驾女团》大受欢迎，周家怡就趁着为ViuTV原创剧《无人之境》宣传，而邀请到周国贤做节目嘉宾，除了大谈车经，更分享恐怖偷窥经历。

游完车河后，二人到餐厅医肚兼吹水，谈到拍剧时人前人后两个样，家怡自言有时可以很可爱，有时又可以好凶狠，周国贤即谓她拍短发的戏时的气场令他害怕，家怡随即分享她凶狠的一面：“有一次去某餐厅食嘢，去洗手间时下面有个手机镜头伸入嚟，我以为我啲friend玩，好大声话：‘喂！做咩啊！唔好玩啦。’个相机好快缩走咗，我就知道应该唔系我啲friend，如果系friend嘅，应该就会笑。去完厕所之后我一行出去，我𠮶个气场真系劲！我出到去向住全餐厅问头先边个怕我！大家呆咗，我见到有闭路电视，我话play个闭路电视睇！我𠮶个样突然变咗一个豪气大家姐。原来个老板！我一出到嚟见到有个人冲咗出门口，我就即刻问个职员：‘头先冲出去𠮶个系边个？’佢话系老板嘅太子仔，转头太子仔再返入嚟扮晒嘢问：‘咩事呀？’我话：‘唔使咩事啦，拎嚟个电话出嚟俾我睇！你应该洗咗㗎啦！头先你冲出去！’佢话冇‘做咩啊？’我话唔好再问做乜嘢，你play个闭路电视，我话：‘你都唔系第一次㗎啦！’好有型咁样，好变态啊呢件事。”

偷拍事件听到周国贤哗哗声，他又谓自己很“吸”这些事情，“细个十岁、十一岁，买咗个餐自己坐喺度食等朋友，之后有一个头发好似Barcode咁样样嘅人无啦啦行埋嚟，佢话：‘喺度做乜嘢呀？喺度等人呀？’然后佢只手就摆落我大髀，我当时着短裤，我觉得好核突𠮶刻！梗系即刻走啦！我当时好惊，佢个头又油又有阵味！呢啲嘢真系防不胜防，有时去酒店都有啲惊呀。”