AK首度开腔与Frankie之间复杂关系　坦承事件对MIRROR有影响

Frankie 圈外女友黑材料连日来不断爆出，当中更牵涉AK、沈殷怡等人。AK今日出席其MV首播活动时就事件作出回应，他表示与Christy 因有共同朋友而认识，但二人话题只限于跳舞。“覆佢story 的话真系要咁啱睇到通知、又觉得有趣先会，但经过今次呢件事，网上同人倾偈都会小心啲。”AK表示与Christy 只限于IG，所以唔明点解对方会有被追求嘅错觉，而他亦强调自己从未有追求Christy ，更笑指活动上不时有生粉叫自己“老公”。

问到有否封锁对方，AK解释是科技问题，又话早排都unfollow 咗花姐。“因为IG系唔知咩事，我早排都block咗同Unfollow咗一啲朋友。可能系手指肥，我觉得Social Media嘅嘢大家勿太认真，一段朋友关系唔会因为follow与否而受到影响。”

而讲到与沈殷怡嘅关系，AK 表示有就事件同沈殷怡道歉。“佢有覆我演唱会准备加油，大家都知我同佢识咗好耐，唔想牵涉太多人落去，所以都希望大家唔好作不必要嘅猜测。（佢有话你真命天女系KOL。）我朋友都真系好多，大家都会出嚟食吓饭，如果佢咁样觉得嘅话就佢嘅事。我都有自己嘅朋友，虽然入咗行之后都会避忌下，但都想有正常生活。”AK又话目前感情状况为零，主要系想专心工作。

问到会否觉得事件影响MIRROR形象，AK 认为事件发生后唔多唔少对唔同人有一定影响，所以希望事件得以尽快解决，回复正常生活、工作。AK表示皮皮对外公开与Christy 拍拖前，已知会公司及兄弟，而他近日亦与皮皮通过电话，知佢有一定压力，望大家多啲空间对方。