关宝慧18岁灵体缠身“封眼”无效　俾鬼咬：唔抵得我今世唔使做

“鬼后”关宝慧（Emily）日前 (8日) 接受潘绍聪主持的新城《恐怖热线》访问，天生有阴阳眼的Emily经常遇到灵异事件，她透露首次遇见灵体，是18岁那年在泰国曼谷某酒店发生，吓得她三魂不见七魄。

Emily透露当晚三个女生一间房，本来相约好另外两位友人睡前玩一会儿扑克，开始前Emily先上厕所，数分钟出来后，发现两位友人经已熟睡，她于是上床准备就寝，“我一瞓落床就郁唔到，眼尾见到隔离床头有个着白色袍嘅女人，坐咗喺我朋友枕头旁边，真系劲惊，我全程都郁唔到，过咗至少10分钟先郁得番。”

由于经常看到灵体，Emily既害怕又烦厌，于是找来师傅“封眼”，可惜数年后偕友人到卡啦OK消遣，又再次看到灵体，今次更与玄学家司徒法正齐齐目击，“𠮶间卡拉OK房我已经去过好多次，突然间喺飞镖位有个头飞出嚟，师傅都见到，系一个好老嘅阿伯，好瘦、好狰狞。”

近年活跃于舞台剧的Emily，演出期间亦发生过怪事，“有日我喺化妆间化妆，喺头顶突然有叠溪钱跌落我个头，现场所有人呆咗，好恐怖，后尾佢哋安慰我系道具，但点解化妆间会有溪钱道具喺到？”

访问去到中途，司徒法正接受潘绍聪电话访问，他忆述某年和Emily到曼谷拍摄节目时遇到的灵异事件，“Emily原本住尾房，我间房就对正电梯，后尾佢同我调咗房，第二朝起身我张床多咗8个枕头，第二晚瞓瞓吓就喺我旁边跳，跳足几晚，我系师傅，又唔能够换房。”而Emily虽然换了房，但也未能避免，“我用门咭开门时，突然右手边有团绿色光，见到一个同我一模一样嘅人，吓到我脚都软。”

另一单出埠发生的怪事则在马来西亚，当时Emily住在海俊杰隔离房，凌晨时份洗澡时，突然听到一把清晰的男人歌声，但听不明对方的语言，“我冲出去用酒店房电话打过去揾海俊杰，佢好迟先接电话，问佢系咪唱紧歌？佢话瞓紧觉，我即刻收线九秒九冲上床，一上床就听到男男女女几廿种方言，嘈到好似街市咁，之后念经、讲晒粗口都唔掂，搞到我四点几，但我五点就要起身开工。”

Emily的灵异事件愈讲愈多，其中一单更发生在她香闺，“我依家间屋住咗十几年，一直都冇嘢，半年前一晚我痛醒咗，有嘢咬我手臂，系一个50年代打扮嘅男人，梳住个飞机头，着白恤衫西裤，我见到佢咬我左边手臂，成件事好似发梦，但又好真实，后尾我问个相熟师傅，佢话系我以前啲冤亲债主，唔抵得我今世唔使做，所以咬我，但其实我只系懒，唔系唔使做，太误会我喇！”