ANSONBEAN入行后首次去外地工作　同钟雪莹玩匀全台湾

继本土电影《填词L》后，两位电影男、女主角陈毅燊（ANSONBEAN）与钟雪莹的青春气息让不少广告商垂青，最近二人被广告商看中，获邀拍摄全新宣传短片广告，创意十足的短片设计非常生鬼，二人轻松走遍“世界各地”旅游，穿和服、浸温泉、碌沙漠、游夜市，好玩地带出“飞住玩”的讯息。看似世界不同地方的效果，其实是团队悉心挑选台湾不同的景点，包括台南顶头额沙漠、武圣夜市、台中的清境农场与温泉饭店等。Anson笑说：“为咗保持神秘，我喺网上分享景点时就扮自己去咗日本、埃及同其他唔同地方，同粉丝开吓玩笑。其实走匀台湾咁多地方系好事嚟嘅，系好难得，不过最辛苦就系坐车嘅过程，今次体会到呢样嘢，要学识习惯一下。”

这次是Anson入行后首次往外地工作：“平时嘅我唔系太去旅行嘅，今次真系畀咗一次机会我去做嘢之余都可以去玩吓，工作3日之后留咗2日喺台北玩吓。其实头3日工作都几难忘，喺台湾食吓嘢、浸温泉、去夜市，又可以摸吓啲羊，就好似去旅行顺便拍吓嘢咁，一啲都唔似返紧工。”3天时间内二人要走匀台北、台南与台中拍摄，幸好他们默契十足，拍摄十分顺利，Anson说：“其实拍《填词L》时我哋只系合作过2日，今次就多咗好多时间相处，钟雪莹系一个非常专业嘅演员，佢好快就入到状态，我最欣赏系佢把声运用得好好，作为一个演员，讲嘢讲得清晰、令大家听得更舒服系好重要，我真系要好好向佢学习，希望之后有机会有唔同合作。”

拍摄其中一幕是Anson碌沙漠的镜头，事前工作人员怕他受伤大为紧张，相反，Anson却表现自若，只拍了两次便完成，却弄得满面沙，他说：“有一下我比导演要求嘅碌快咗，但感觉几刺激几好玩，工作人员事前都有啲担心危险，但我冇乜所谓，只要拍到出嚟效果好同靓都冇问题，欢迎嚟紧多啲博命嘅动作场面揾我啦！毕竟我都真系最钟意动作电影。”