王书麒许秋怡爱儿Cody拥超高颜值　专注学业未计划入行：毕业再谂

王书麒和爱妻许秋怡及儿子王绰枬（Cody）今晚（15/6）现身新蒲岗出席《粤唱越开心》演唱会传媒见面会。现年20岁的Cody毕业于拔萃男书院，自小品学兼优，孝顺父母。近年远赴澳大利亚升学的Cody，深知明天（16/6）就是父亲节，所以都特意抽空返港陪父母过节，相当有孝心。

许秋怡在接受《香港01》访问时说：“其实我冇见个仔都成半年时间，但对于我哋嚟讲已经好耐。不过呢段日子系有另一种感觉，就好似返咗去拍拖嘅时候。因为以前佢细过嘅时候，我哋除咗做嘢就系凑住佢，变咗𠮶阵时系冇乜私人时间。到而家佢大个咗，佢一个人去咗澳大利亚读书，唔喺我哋身边，真系好唔舍得，就好似我老公话斋要学识放心。”

王书麒笑指Cody过到澳大利亚只用了8日时间，便适应了新环境，而且认识了很多新朋友：“起初去到当地谂住陪佢适应新环境，唔够8日佢已经识到新朋友，好快就话唔得闲。”Cody接着笑说：“其实我得闲嘅，我初头识嘅朋友都系宿舍识嘅。（有冇识到女朋友？）顺其自然啦。”许秋怡即场追问：“顺其自然，咁即系有定冇？不过我谂佢而家都系冇嘅。”

被问到有否兴趣加入娱乐圈时，Cody表示：“我谂暂时都系读书先，因为仲有一年书要读，变咗到时等毕完业先再谂。”