王书麒两度历面瘫许秋怡心痛 难忘拍剧被掌掴：冚我最多系万梓良
现年55岁的许秋怡早年与张智霖（Chilam）合唱《现代爱情故事》而一曲成名，她与老公王书麒转战内地发展多年，有传她密密登台月入近百万，身家更已过亿！许秋怡同王书麒近年甚少在香港露面，但早前他们就作客前港姐钟慧冰的YouTube节目“冰姐的花样人生”，两人大谈往事及分享近况，更自爆身体出现问题，健康状况令人担忧。
许秋怡多年前曾在TVB筹款节目《欢乐满东华》中表演缩骨功，原来她的爸爸是粤剧名伶许坚信，所以她自6岁开始学粤剧，直至18岁，筋骨都练得特别柔软：“其实我又唔识咩叫缩骨功嘅，系可能由细到大练功呢练得多，啲筋骨比较软啲，所以佢哋就看中我，‘不如你试下筹款，试下缩骨功捐落架21吋嘅电视机度啦’，好辛苦㗎练𠮶个过程，流晒血㗎练到。”不过许秋怡就直言：“我而家行唔到咁滞喇，我呢十几年都坐骨神经痛，再加埋年纪开始大啦，平时操劳啲，又舟车劳动多啦，坐车𠮶啲，而家啲骨真系唔得喇。”
童星出身的王书麒早年曾拍过不少剧集，亦曾多次与万梓良合作，钟慧冰提及郑裕玲（Do姐）曾大爆当年拍《流氓大亨》时，王书麒被万梓良大力掌掴，甚至被“打歪”，对此王书麒就表示：“其实我系习惯咗㗎㖞，习惯咗俾万子哥打，因为好多次㗎喇，我喺丽的电视𠮶阵时拍《大内群英》，我小朋友嚟咋嘛，我做乾隆，佢做雍正，有一场戏又系俾他兜巴冚落嚟嘅，𠮶阵时都系十四五岁啦，我冇喊，有演员道德。跟住就去咗TVB啦，有一次就系试过《流氓大亨》DoDo姐讲𠮶个，系真系好大力咁冚落嚟嘅，仲有另一个剧集呢，都系俾万子冚嘅，即系冚我最多嘅人就系万梓良。我成日做佢细佬，但𠮶下我好记得嘅，都几系痛㗎，但就唔系话真系受伤。”不过王书麒亦直言非常欣赏万梓良专业的态度，对演戏很有热诚。
王书麒曾两度经历面瘫，钟慧冰问及跟拍掌掴戏是否有关时，王书麒坦言：“我谂有少少，其实曾经有啲男艺人或者女艺人都曾经历过面颜神经麻痺，我就试过两次。第一次系19岁拍《新扎师兄3》，𠮶次系我第一次中呢样嘢，𠮶场戏我哋喺湾仔一个天桥底拍戏，𠮶场戏系四页纸，导演要求一个镜头，又讲又做又行位，排咗两次之后，对方都比较专业，其实讲到第三页纸，佢就需要一巴冚落嚟嘅，其实我们之前已经……冇得借位要硬食，其实我已经离开咗少少个位，但做做下两个人不经意地行埋咗，对方讲完第三页纸到位呢就一巴冚落嚟，𠮶下我个头，我记得我自己揈咗落去，喺个菠萝盖𠮶范围上返嚟，仲要做㖞，因为仲有半页纸对白。𠮶场戏系一take过ok嘅，都冇事㗎，我唔会觉得晕呀、痛呀。”
直至回家后王书麒才知出事，他表示：“冲完凉好攰，凌晨三点几，食个面啦，一啜条面𠮶阵时你就知喇，点解条面啜唔到上嚟，因为其实我哋讲嘢、食嘢，成个结构、肌肉𠮶啲呢一齐做㗎嘛，你要配合嘴唇𠮶啲，因为呢边面系完全冇咗感觉。同埋只眼呢，呢一边系唔识眨眼，眯唔埋瞓觉，你以为你自己合埋咗只眼，其实你系冇合埋眼，呢边机能冇晒。”王书麒透露首次发病时19岁，掌掴他的对手是林嘉华，但他就明白对方不是故意，只是拍剧时太投入。
而王书麒再次发病就是23年前，即2001年，由于每天开剧很劳累致抵抗力弱，加上收工返家狂吹冷气，翌日起床发现面瘫致歪嘴，当时更歪住嘴去录剧集主题曲：“我谂从来冇人唱歌系要拉住个嘴一边，因为呢边‘揼’呀嘛，好多时发唔到音，我系要扣住左边个嘴唇去录，系需要多咗好多时间先可以完成一只电视剧嘅主题曲。”许秋怡忆起往事都忍不住喊：“因为个经历好长。”由于年纪渐长，身体机能不及以往，复原几率亦变弱，王书麒只望“似返个人就算”，他坦言当时人中位置很歪：“最尾可以校返正少少算ok㗎喇。”